ກຳລັງກູ້ໄພກູ້ຊີບ ພວມຍົກຍ້າຍປະຊາຊົນອອກຈາກເຂດຖືກນ້ຳຖ້ວມ. ພາບ:THX/TTXVN

ວັນທີ 25 ຕຸລາ, ພາຍຫລັງພາຍຸ Trami ໄດ້ພັດເຂົ້າເຂດທິດຕາເວັນອອກສຽງເຫນືອ ຟິລິບປິນ, ຈຳນວນຜູ້ເສຍຊີວິດຍ້ອນນຳ້ຖວ້ມ ແລະ ດິນເຊາະເຈືອນແມ່ນໄດ້ເພີ່ມຂຶ້ນເຖິງ 65 ຄົນແລ້ວ. ຝນົຕົກຫນັກຜິດປົກກະຕິ ຍ້ອນຜົນສະທ້ອນຈາກພາຍຸດັ່ງກ່າວໄດ້ເຮັດໃຫ້ຫລາຍເຂດຢູ່ປະເທດນີ້ ຖືກນ້ຳຖ້ວມຮ້າຍແຮງ. ຕາມອົງການຮັບມືກັບໄພທຳມະຊາດຂອງ ຟິລິປິນແລ້ວ, ໄພນ້ຳຖ້ວມໄດ້ສົ່ງຜົນສະທ້ອນເຖິງປະຊາຊົນ ກວ່າ 2,6 ລ້ານຄົນ, ໃນນັ້ນ ເກືອບ 320.000 ຕ້ອງຍ້າຍໄປບ່ອນປອດໄພ.

ລັດຖະບານ ຟິລິບປິນ ໄດ້ອັດປະຕູບັນດາໂຮງຮຽນ ແລະ ອົງການສຳນັກງານຂອງລັດໃນທົ່ວເກາະ Luzon ຢູ່ ພາກເຫນືອປະເທດນີ້. ບັນດາການບໍລິການທ່າເຮືອຢູ່ເຂດນີ້ ກໍ່ຖືກຢຸດຕິການເຄື່ອນໄຫວ ຊື່ງເຮັດໃຫ້ພັນໆຄົນຖືກຕິດຄ້າງ. ຄາດວ່າ ມີຜູ້ໂດຍສານ ກວ່າ 7.500 ຖືກຕິດຄ້າງຢູ່ທ່າເຮືອ ແລະ 36 ຖ້ຽວບິນຖືກຍົກເລີກໃນວັນທີ 25 ຕຸລາ.

ໃນສື່ສັງຄົມອອນລາຍ X, ປະທານາທິບໍດີ ຟິລິບປິນ ທ່ານ Ferdinand Marcos ໄດ້ຢືນຢັນ ພວມສຸມໃສ່ທຸກແຫລ່ງກຳລັງເພື່ອຫນູນຊ່ວຍບັນດາເຂດທີ່ຖືກຜົນສະທ້ອນຈາກພາຍຸ.