( ພາບປະກອບ )
|
( vovworld ) - ທ່ານລັດຖະມົນຕີກະຊວງສາທາລະນະສຸກຊີຣີ Wael al Halyqi ໃຫ້ຮູ້ວ່າ, ຢ່າງໜ້ອຍສຸດມີ 27 ຄົນຖືກເສຍຊີວິດ ແລະ 97 ຄົນຖືກບາດເຈັບໃນສອງເຫດການວາງລະເບີດຢູ່ນະຄອນຫຼວງ Damascus ເມື່ອວັນທີ 17/3. ຜູ້ຖືກເຄາະຮ້າຍສ່ວນຫຼາຍແມ່ນສາມັນຊົນ. ມີເຮືອນຊານຫຼາຍຫຼັງ ແລະ ຍານພາຫະນະໄປມາໃນບໍລິເວັນຖືກວາງລະເບີດກໍ່ຖືກທຳລາຍ. ໝາກຜົນຂອງການສືບສວນໃນເບື້ອງຕົ້ນໃຫ້ຮູ້ວ່າ ນີ້ອາດຈະແມ່ນບັນດາການວາງລະເບີດກໍ່ການຮ້າຍ.
ພາຍຫຼັງເຫດການດັ່ງກ່າວ, ທ່ານເລຂາທິການໃຫຍ່ສະຫະປະຊາຊາດ ບານກີມູນ ໄດ້ຕຳນິຕິຕຽນຢ່າງຮຸນແຮງບຸກຄົນກໍ່ການຮ້າຍ ພ້ອມກັນນັ້ນຮຽກຮ້ອງໃຫ້ຢຸດຕິບັນດາການກະທຳໃຊ້ຄວາມຮຸນແຮງຢູ່ຊີຮີ. ທ່ານລັດຖະມົນຕີການຕ່າງປະເທດອັງກິດ Alain Juppe ແລະ ທ່ານລັດຖະມົນຕີການຕ່າງປະເທດ ເອຍີບ Mohammed Kamel Amr ໄດ້ກ່າວປະນາມທຸກໆການກະທຳ ທຳລາຍຂອງລັດທິກໍ່ການຮ້າຍ. ໃນຂະນະນັ້ນ, ກະຊວງພາຍໃນຊີຣີ ກໍກ່າວເຕື່ອນວ່າ ຈະບໍ່ປະນິປະນອມຕໍ່ພວກທຳລາຍຄວາມສະຫງົບປອດໄພ ແລະ ສະຖຽນລະພາບຂອງປະເທດຊາດ.