ພິທີມອບລາງວັນ“ນັກວິທະຍາສາດຫນຸ່ມຫວຽດນາມປີຊາສາມາດ
photo:hanoimoi.com.vn
|
(vovworld)- ຕອນເຊົ້າວັນທີ 4/1 ຢູ່ຮ່າໂນ້ຍ, ກະຊວງສຶກສາ ແລະ ບຳລຸງສ້າງຫວຽດນາມ ສົມທົບກັບກະຊວງວິທະຍາສາດ ແລະ ເຕັກໂນໂລຊີ, ສະຫະພັນສະມາຄົມວິທະຍາສາດແລະ ເຕັກນິກຫວຽດນາມ, ສູນກາງຄະນະຊາວຫນຸ່ມກອມມູນິດໂຮ່ຈິມີນ ຈັດຕັ້ງພິທີມອບລາງວັນ“ນັກວິທະຍາສາດຫນຸ່ມຫວຽດນາມປີຊາສາມາດ” ໂດຍເປັນກຽດເຂົ້າຮ່ວມຂອງທ່ານນາງຮອງປະທານປະເທດ ຫງວຽນທິຢວານ . ທີ່ພິທີ ມີ 211 ຫົວບົດໄດ້ຮັບລາງວັນ,ໃນນັ້ນ 10 ລາງວັນທີ 1, 27 ລາງວັນທີ 2, 72 ລາງວັນທີ 3 ແລະ 102 ລາງວັນຊົມເຊີຍ. ກ່າວຄຳເຫັນນະພິທີ, ທ່ານ ຟ້າມຫວູລ້ວນ, ລັດຖະມົນຕີກະຊວງສຶກສາ ແລະ ບຳລຸງສ້າງຫວຽດນາມ ຊີ້ແຈ້ງວ່າ: ໃນໄລຍະຜ່ານມາ ການເຄື່ອນໄຫວເຕັກໂນໂລຊີ ໄດ້ມີບາດກ້າວຫັນປ່ຽນໃຫມ່, ພິເສດໃນຊຸມປີຜ່ານມາ, ຂະບວນການຄົ້ນຄ້ວາວິທະຍາສາດຂອງນັກຮຽນ, ນັກສຶກສາບໍ່ພຽງແຕ່ມີຄວາມໝາຍໃນຂະບວນການເທົ່ານັ້ນ ຫາກສະແດງໃຫ້ເຫັນບັນດາຜູ້ປີຊາສາມາດອີກດ້ວຍ. “ພວກຂ້າພະເຈົ້າຫວັງວ່າ ດ້ວຍບັນດາແບບຢ່າງດີເດັ່ນຂອງຊຸມປີກ່ອນໄດ້ຮັບການຢັ້ງຢືນ ແລະ ບັນດາຜູ້ປີຊາສາມາດສືບຕໍ່ໄດ້ຢັ້ງຢືນໃນປີ 2013 ແມ່ນປັດໄຈໃຫມ່ມີຄວາມສຳຄັນຍິ່ງເຮັດໃຫ້ຂະບວນການຄົ້ນຄ້ວາວິທະຍາສາດຂອງນັກຮຽນ, ນັກສຶກສາໃນບັນດາໂຮງຮຽນສືບຕໍ່ມີຊີວິດຊີວາໃຫມ່.”