(vovworld) - ແຕ່ລະປີ ໄດ້ສ້າງວຽກເຮັດງານທຳໃຫ້ຄົນງານເຕີ່ມອີກ 1,6 ລ້ານຄົນ ແລະ ບຳລຸງສ້າງວິຊາຊີບໃຫ້ຄົນງານຊົນນະບົດ 1 ລ້ານ. ໄລ່ລວມ 5 ປີຜ່ານມາ, ມີຄົນງານເກືອບ 7 ລ້ານຄົນ, ໃນນັ້ນ 70% ແມ່ນຄົນງານຊົນນະບົດມີວຽກເຮັດງານທຳ, ຄົນງານກວ່າ 7,2 ລ້ານຄົນໄດ້ຮັບການບຳລຸງສ້າງວິຊາຊີບ. ນັ້ນແມ່ນບັນດາໝາກຜົນທີ່ສຳຄັນເຊິ່ງບັນລຸໄດ້ໃນ 5 ປີແຫ່ງການປະຕິບັດມະຕິສູນກາງຄັ້ງທີ 7, ຊຸດທີ 10 ກ່ຽວກັບກະສິກຳ, ຊາວກະສິກອນ, ຊົນນະບົດຂອງກະຊວງແຮງງານ, ທະຫານເສຍອົງຄະ ແລະ ສັງຄົມ. ທີ່ກອງປະຊຸມສະຫຼຸບຕີລາຄາ 5 ປີແຫ່ງການປະຕິບັດມະຕິສູນກາງພັກຄັ້ງທີ 7 ຊຸດທີ 10 ກ່ຽວກັບກະສິກຳ, ຊາວກະສິກອນ, ຊົນນະບົດ, ເຊິ່ງດຳເນີນໄປໃນວັນທີ 04 ກັນຍາ, ທີ່ຮ່າໂນ້ຍ, ທ່ານນາງ ຟ້າມທິຫາຍຈ່ວຽນ, ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມໃຫ້ຮູ້ວ່າ, ຈຸດໝາຍຮອດປີ 2020, ການເຕີບໂຕດ້ານວຽກເຮັດງານທຳຢູ່ພາຍໃນປະເທດຈະບັນລຸ 2,5 – 3%/ປີ, ສົ່ງຄົນງານໄປເຮັດວຽກຢູ່ຕ່າງປະເທດແຕ່ 9000 – 10.000 ຄົນໃນແຕ່ລະປີ.
“ຮຽກຮ້ອງໃຫ້ບັນດາແຂວງ, ນະຄອນກວດການຄືນຄວາມຕ້ອງການຕົວຈິງຂອງແຕ່ລະວິຊາຊີບຢ່າງລະອຽດ ເພື່ອຕົກລົງບຳລຸງສ້າງໃຫ້ເໝາະສົມ, ຫຼີກລ້ຽງການຟູມເຟືອຍ. ສືບຕໍ່ພັດທະນາຕະຫຼາດແຮງງານ, ສ້າງວຽກເຮັດງານທຳໃຫ້ຄົນງານ ຕິດພັນກັບການສ້າງຊົນນະບົດໃໝ່. ສຸດທາຍແມ່ນເພີ່ມທະວີວຽກງານກວດກາການຜັນຂະຫຍາຍບັນດານະໂຍບາຍລະອຽດນັ້ນ ເພື່ອສັງເກດວ່ານະໂຍບາຍໄດ້ເຂົ້າສູ່ຊີວິດຕົວຈິງແລ້ວບໍ່”.