(vovworld) - ກອງປະຊຸມເສດຖະກິດການຕ່າງປະເທດ 2016 (Vietnam Summit 2016),ໂດຍກະຊວງການຕ່າງປະເທດຫວຽດນາມ ແລະ ວາລະສານ The Economist (ອັງກິດ) ສົມທົບກັນຈັດຕັ້ງດ້ວຍຫົວຂໍ້ “ການເຄື່ອນໄຫວສະດວກສະບາຍ” ຖືກໄຂຂຶ້ນໃນຕອນເຊົ້າວັນທິ 03/11, ຢູ່ນະຄອນໂຮ່ຈິມິນ. ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ, ທັງເປັນລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ໃຫ້ຮູ້ວ່າ: ປະຈຸບັນ, ກະສິກຳຂອງຫວຽດນາມ ພວມນຳໃຊ້ຄົນງານເກືອບ 70%. ຫວຽດນາມ ມີຄວາມຫວັງຢາກຫຼຸດຜ່ອນອັດຕາຄົນງານໃນຂົງເຂດນີ້ລົງເຫຼືອ 40% ໃນໄລຍະຈະມາເຖິງ ດ້ວຍເລື່ອງພັດທະນາກະສິກຳທີ່ມີເຕັກໂນໂລຊີສູງ. ເພື່ອຫັນປ່ຽນໂຄງປະກອບພື້ນຖານເສດຖະກິດຄືນໃໝ່ ຫວຽດນາມ ຈະຍົກຍ້າຍຄົນງານ, ຍູ້ແຮງການຫັນບັນດາລັດວິສາຫະກິດເປັນຫຸ້ນສ່ວນ, ສ້າງໂຄງປະກອບການເງິນ, ທະນາຄານຄືນໃໝ່. ໃນນັ້ນໜຶ່ງໃນບັນດາມາດຕະການບຸກທະລຸແມ່ນ ສຸມໃສ່ບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງ. ທ່ານຮອງນາຍົກລັດຖະມົນຕີ ຟ້າມບິ່ງມິງ ເນັ້ນໜັກວ່າ.
“ການພັດທະນາແຫຼ່ງຊັບພະຍາກອນມະນຸດທີ່ມີຄຸນນະພາບສູນໃນໄລຍະຈະມາເຖິງ ແມ່ນສຸມໃສ່ຍົກສູງຄຸນນະພາບການສອນວິຊາຊີບ. ພ້ອມທັງ, ຫວຽດນມ ຈະເປີດກວ້າງຂະແໜງອາຊີບ, ຕິດພັນການອອກແຮງງານແບບອັດຕະໂນມັດ ແລະ ວຽກງານງ່າຍ… ປ່ຽນໃໝ່ການສຶກສາແມ່ນປ່ຽນໃໝ່ຢ່າງຮອບດ້ານ ແລະ ເຖິງຖອງ.”