( vovworld ) – ງານວາງສະແດງປື້ມກ່ຽວກັບຫົວເລື່ອງປະທານໂຮ່ຈິມິນ ໄດ້ໄຂຂຶ້ນໃນຕອນເຊົ້າວັນທີ 14/5 ຢູ່ແຂວງທາຍງວຽນ. ງານວາງສະແດງໄດ້ແນະນຳສິ່ງພິມກ່ວາ 2000 ຊີ້ນ ຊື່ງໄດ້ນຳມາວາງສະແດງຕາມບັນດາຫົວເລື່ອງ: ບົດປະພັນໂດຍປະທານໂຮ່ຈິມິນ ຂຽນໃນໄລຍະດຳລົງຊີວິດ ແລະ ເຮັດວຽກຢູ່ເຂດປອດໄພ ທາຍງວຽນ; ບົດປະພັນຂອງນັກຂຽນພາຍໃນ ແລະ ຕ່າງປະເທດຂຽນກ່ຽວກັບປະທານໂຮ່ຈິມິນ ຕິດພັນກັບບັ້ນຂົນຂວາຍ “ຮ່ຳຮຽນ ແລະ ປະຕິບັດຕາມແບບຢ່່າງຄຸນສົມບັດປະທານໂຮ່ຈິມິນ“. ບົດປະພັນຂຽນກ່ຽວກັບບັນດາການນຳພັກ, ລັດ, ນາຍພົນທະຫານ ແລະ ລູກສິດຜູ້ດີເດັ່ນຂອງປະທານໂຮ່ຈິມິນ ….
ລາຍການ “ຮຽນຕາມລຸງໂຮ່ ໃນແຕ່ລະວັນ“ ໂດຍໂທລະພາບສຳນັກຂ່າວສານ ຫວຽດນາມ ຈັດຕັ້ງຜະລິດ ຈະອອກອາກາດຢ່າງເປັນທາງການໃນວັນທີ 19/5/2012 ໃນໂອກາດສະເຫຼີມສະຫຼອງ 122 ປີແຫ່ງວັນຄ້າຍວັນເກີດປະທານໂຮ່ຈິມິນ (19/5/1890-19/5/2012) ແລະ ປະຕິບັດຄຳສັ່ງຂອງກົມການເມືອງ ກ່ຽວກັບການສືບຕໍ່ຍູ້ແຮງການຮ່ຳຮຽນ ແລະ ປະຕິບັດຕາມແບບຢ່່າງຄຸນສົມບັດປະທານໂຮ່ຈິມິນ. ລາຍການດັ່ງກ່າວຈະອອກອາກາດໃນແຕ່ລະວັນ ໃນເວລາ 5 ນາທີ ຊື່ງຈະສະໜອງຂໍ້ມູນກ່ຽວກັບຊີວິດ ແລະ ພາລະກິດການປະຕິວັດຂອງປະທານໂຮ່ຈິມິນຢ່າງເປັນລະບົບໃຫ້ແຫ່ຜູ້ຊົມ.
ງານວາງສະແດງສະແຕັມ “ເດີນທາງໄປຕາມຮອຍຕີນປະທານໂຈ່ຈິມິນ“ ພວມດຳເນີນໄປຢູ່ນະຄອນໂຮ່ຈິມິນແຕ່ວັນທີ 12-18/5. ງານວາງສະແດງໄດ້ແນະນຳ 15 ຊຸດສະແຕັມ ລວມມີສະແຕັມ 5000 ອັນ ແລະ ຜະລິດຕະພັນໄປສະນີ. ນີ້ແມ່ນຊຸດສະແຕັມເຄີຍໄດ້ຮັບລາງວັນສູງຢູ່ທີ່ບັນດາງານປະກວດ ແລະ ງານວາງສະແດງສະແຕມທົ່ວປະເທດ.
ພິທີມອບລາງວັນການເສັງຂຽນກ່ຽວກັບການ “ຮ່ຳຮຽນ ແລະ ປະຕິບັດຕາມແບບຢ່່າງຄຸນສົມບັດປະທານໂຮ່ຈິມິນ“ ໂດຍໜັງສືພິມເຍີນເຢີນ ສຽງຂອງພັກກອມມູນິດ ຫວຽດນາມ ຈະຈັດຂຶ້ນໃນຕອນຄ່ຳວັນທີ 17/5 ຢູ່ຮ່າໂນ້ຍ. ທີ່ການປະຊຸມຂ່າວເມື່ອຕອນບ່າຍວັນທີ 14/5 ຢູ່ຮ່າໂນ້ຍ, ຄະນະຈັດຕັ້ງໃຫ້ຮູ້ວ່າ: ພາຍຫຼັງປຸກລະດົມການເສັງຂຽນກ່ຽວກັບການ “ຮ່ຳຮຽນ ແລະ ປະຕິບັດຕາມແບບຢ່່າງຄຸນສົມບັດປະທານໂຮ່ຈິມິນ“ ມາເປັນເວລາ 1 ປີ, ໜັງສືພິມເຍີນເຢີນ ໄດ້ຮັບບົດຂຽນກ່ວາ 700 ບົດຈາກທຸກເຂດພາກໃນທົ່ວປະເທດ ຫວຽດນາມ. ຄະນະຈັດຕັ້ງຕົກລົງມອບ 19 ລາງວັນ, ໃນນັ້ນມີ 1 ລາງວັນທີ 1 , 3 ລາງວັນທີ 2 ແລະ 5 ລາງວັນທີ 3. ທ່ານ ຫາຍເດືອງ ກຳມະການຄະນະບັນນາທິການໜັງສືພິມເຍີນເຢີນ, ຫົວໜ້າຄະນະຊີ້ນຳການຈັດຕັ້ງການເສັງຕີລາຄາວ່າ:
“ເບີ່ງລວມແລ້ວ, ບັນດາບົດຂຽນມີເນື້ອໃນອຸດົມສົມບູນ ແລະ ຫຼາຍຮູບຫຼາຍແບບ, ຊື່ງໄດ້ສ່ອງແສງບັນດາໝູ່ຄະນະ ແລະ ສ່ວນບຸກຄົນດີເດັ່ນຂຶ້ນກັບຫຼາຍຊັ້ນຄົນໃນສັງຄົມ. ບັນດາສີ່ງພິມຂອງໜັງສືພິມເຍີນເຢີນໄດ້ເລືອກພິມກ່ວາ 100 ບົດ. ບັນດາບົດເຂົ້າຮ່ວມການເສັງ ໄດ້ປະກອບສ່ວນສ້າງຄວາມເປັນເອກະພາບສະຕິດຄວາມຮັບຮູ້ສູງໃນພັກ ແລະ ສັງຄົມກ່ຽວກັບຄວາມໝາຍ, ຄວາມສຳຄັນ ແລະ ເລື່ອງຮ່ຳຮຽນ ແລະ ປະຕິບັດຕາມແບບຢ່່າງຄຸນສົມບັດປະທານໂຮ່ຈິມິນ, ຖືວ່າ, ນີ້ແມ່ນວຽກງານເປັນປະຈຳ, ລະອຽດ,ຂອງພະນັກງານ, ສະມາຊິກພັກ ແລະ ປະຊາຊົນທຸກຄົນ“