ມອບກາໝາຍນະຄອນໂຮ່ຈີມິນໃຫ້ເອກອັກຄະລັດຖະທູດລາວປະຈຳຫວຽດນາມ
ທ່ານ ເລຮ່ວາງກວນ ປະດັບກາໝາຍນະຄອນ ໂຮ່ຈີມິນ
ໃຫ້ທ່ານເອກອັກຄະລັດຖະທູດລາວ ສົມພອນ ສີຈະເລີນ
(ພາບ: ThanhVu/TTXVN)
(vovworld) – ວັນທີ 28/9, ທ່ານ ເລຮ່ວາງກວນ, ປະທານຄະນະກຳມະການປະຊາຊົນນະຄອນ ໂຮ່ຈີມິນ ໄດ້ໃຫ້ການຕ້ອນຮັບ ແລະ ປະດັບກາໝາຍນະຄອນ ໂຮ່ຈີມິນ ໃຫ້ທ່ານເອກອັກຄະລັດຖະທູດ ລາວ ປະຈຳ ຫວຽດນາມ ສົມພອນ ສີຈະເລີນ. ທ່ານ ເລຮ່ວາງກວນ ໄດຊົມເຊີຍ ທ່ານເອກອັກຄະລັດຖະທູດ ສົມພອນ ສີຈະເລີນ ທີ່ໄດ້ເຮັດສຳເລັດໜ້າທີ່ການທູດ ຊຶ່ງພັກ ແລະ ລັດ ລາວ ໄດ້ມອບໝາຍໃນອາຍຸການເປັນເອກອັກຄະລັດຖະທູດ ປະຈຳ ຫວຽດນາມ ເປັນຢ່າງດີ, ອັນໄດ້ປະກອບສ່ວນເພີ່ມທະວີສາຍພົວພັນແບບພິເສດລະຫວ່າງ ລາວ ແລະ ຫວຽດນາມ. ກ່ອນໜ້ານັ້ນ, ທ່ານ ເລແທງຫາຍ, ເລຂາຄະນະພັກນະຄອນ ໂຮ່ຈີມິນ ກໍໄດ້ໃຫ້ການຕ້ອນຮັບທ່ານເອກອັກຄະລັດຖະທູດ ສົມພອນ ສີຈະເລີນ ເຂົ້າຢ້ຽມອຳລາເນື່ອງໃນໂອກາດສິ້ນສຸດອາຍຸການປະຕິບັດການທູດຢູ່ ຫວຽດນາມ.