ພິທີມອບລາງວັນກິດຈະກຳຄະນິດສາດ 2012 ແລະ ມອບທຶນສຶກສາ
ພາບ: internet
|
(vovworld) - ຕອນເຊົ້າວັນທີ 5/5 ຢູ່ ຮ່າໂນ້ຍ, ໂຄງການຈຸດສຸມແຫ່ງຊາດພັດທະນາຄະນິດສາດໄລຍະ 2012 - 2020 ໄດ້ຈັດຕັ້ງພິທີມອບລາງວັນກິດຈະກຳຄະນິດສາດ 2012 ແລະ ມອບທຶນສຶກສາໃຫ້ແກ່ນັກຮຽນ, ນັກສຶກສາສົກຮຽນ 2012-2013. ຄະນະບໍລິຫານໂຄງການໄດ້ເລືອກເຟັ້ນ 37 ກິດຈະກຳວິທະຍາສາດເພື່ອມອບລາງວັນ, ມອບທຶນສຶກສາໃຫ້ແກ່ນັກຮຽນ, ນັກສຶກສາຂະແຫນງຄະນິສາດໃນທົ່ວປະເທດ 440 ຄົນ. ສາດສະດາຈານ ເລຕວນຮວາ, ຜູ້ອຳນວຍການບໍລິຫານສະຖາບັນຄົ້ນຄ້ວາຂັ້ນສູງກ່ຽວກັບຄະນິດສາດໃຫ້ຮູ້ວ່າ:
“ເພື່ອພັດທະນາພື້ນຖານວິທະຍາສາດເວົ້າລວມ ແລະ ຄະນິດສາດເວົ້າສະເພາະ ພວກເຮົາຕ້ອງມີຫລາຍມາດຕະການ. ໃນນັ້ນ ເລື່ອງມອບທຶນສຶກສາແມ່ນມີຄວາມໝາຍຢ່າງແທ້ຈິງໃນການຊຸກຍູ້ສ້າງພື້ນຖານຄະນິດສາດຫວຽດນາມທັນສະໄຫມ, ສຳພັດກັບໂລກ, ລະດົມກຳລັງໃຈພວກນ້ອງສືບຕໍ່ເດີນຕາມເສັ້ນທາງຄະນິດສາດ.”