ທ່ານ Pham Xuan Son ເອກອັກຄະລັດຖະທູດ ຫວຽດນາມປະຈຳລັດເຊຍ ມອບລາງວັນ Ho Chi Minh ໃຫ້ແກ່ບັນດາຜູ້ຊ່ຽວຊານໂຊວຽດເກົ່າ ແລະ ຜູ້ຊ່ຽວຊານລັດເຊຍ
ພາບ: vov
|
(vovworld) - ວັນທີ 21/3 ຢູ່ນະຄອນຫລວງ ມົດສະກູ ສະຫະພັນລັດເຊຍ, ໂດຍໄດ້ຮັບການມອບໝາຍຈາກທ່ານປະທານປະເທດຫວຽດນາມ Truong Tan Sang, ທ່ານ Pham Xuan Son ເອກອັກຄະລັດຖະທູດ ຫວຽດນາມປະຈຳລັດເຊຍ ໄດ້ມອບລາງວັນ Ho Chi Minh ໃຫ້ແກ່ບັນດາຜູ້ຊ່ຽວຊານໂຊວຽດເກົ່າ ແລະ ຜູ້ຊ່ຽວຊານລັດເຊຍ ທີ່ມີການປະກອບສ່ວນຢ່າງຕັ້ງຫນ້າໃຫ້ແກ່ຂະແຫນງນ້ຳມັນອາຍແກສຫວຽດນາມ ແລະ ປະກອບສ່ວນເພີ່ມທະວີການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງສອງປະເທດ. ບັນດາຜູ້ຊ່ຽວຊານນີ້ແມ່ນຫນຶ່ງໃນຈຳນວຍ 49 ທ່ານທີ່ສ້າງເປັນກິດຈະກຳວິທະຍາສາດທີ່ມີຫົວເລື່ອງວ່າ: ສຳຫລວດ, ພົບເຫັນ ແລະ ຂຸດຄົ້ນນ້ຳມັນຢູ່ໄລ່ທະວີບຂອງຫວຽດນາມ ຢ່າງມີປະສິດທິຜົນ. ນີ້ແມ່ນກິດຈະກຳວິທະຍາສາດ ແລະ ເຕັກໂນໂລຊີດີເດັ່ນ, ມີຄຸນຄ່າສູງທາງດ້ານວິທະຍາສາດ ແລະ ເຕັກໂນໂລຊີໄດ້ຮັບການປະກາດ ແລະ ນຳໃຊ້, ປະກອບສ່ວນສຳຄັນເຂົ້າໃນພາລະກິດພັດທະນາພື້ນຖານເສດຖະກິດ, ວິທະຍາສາດ, ເຕັກໂນໂລຊີ, ວັນນະຄະດີ, ສິລະປະໃນກິດຈະການສ້າງສາ ແລະ ປົກປັກຮັກສາປະເທດຊາດ. ຕາງຫນ້າໃຫ້ບັນດາທ່ານທີ່ໄດ້ຮັບລາງວັນ, ທ່ານ Arexep ສາສະດາຈານ, ສະມາຊິກສະພາມະຫາບັນດີດ, ດອກເຕີ ວິລະຊົນແຮງງານຫວຽດນາມ ໄດ້ຢືນຢັນວ່າ: ນີ້ແມ່ນຄວາມປິຕິຊົມຊື່ນ ແລະ ຄວາມເອກອ້າງທະນົງໃຈອັນໃຫຍ່ຫລວງ. “ການປະກອບສ່ວນຂອງພວກຂ້າພະເຈົ້າແມ່ນສ້າງບັນດາແນວຄວາມຄິດໃຫມ່. ຂ້າພະເຈົ້າຕາງຫນ້າໃຫ້ບັນດາເພື່ອນຮ່ວມງານ ຂໍສະແດງຄວາມຂອບອົກຂອບໃຈຕໍ່ບັນດາການຕີລາຄາຂອງພວກເພື່ອນ ແລະ ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ພວກເພື່ອນທີ່ບໍ່ຫລົງລືມຜູ້ທີ່ໄດ້ອອກກິນເບ້ຍບຳນານຄືພວກຂ້າພະເຈົ້າ. ຂ້າພະເຈົ້າມີຄວາມແປກປະຫລາດໃຈ ແລະ ຕື້ນຕັນໃຈຕໍ່ບັນດາອາລົມຈິດອັນສະຫນິດສະຫນົມນີ້.”
ນັກຂ່າວກວາງເຊີນ ປະຈຳ ລັດເຊຍ.