(vovworld) – ພິທີມອບລາງວັນໃຫ້ຜູ້ມີຄວາມເກັ່ງກ້າສາມາດແດນ ຫວຽດ ປີ 2014 ໄດ້ຮັບການຈັດຕັ້ງໃນຕອນຄ່ຳວັນທີ 20/11, ຢູ່ຮ່າໂນ້ຍ, ເພື່ອແນໃສ່ເຊີດຊູບັນດາຜູ້ມີຄວາມເກັ່ງກ້າສາມາດໃນບັນດາຂົງເຂດເຕັກໂນໂລຢີຂໍ້ມູນຂ່າວສານ, ວິທະຍາສາດ, ການຢາ ແລະ ສິ່ງແວດລ້ອມ, ປະກອບສ່ວນເຂົ້າໃນການພັດທະນາຂອງປະເທດຊາດ ແລະ ຍົກສູງຄຸນນະພາບຊີວິດການເປັນຢູ່ຂອງປະຊາຊົນ. ກ່າວຄຳເຫັນທີ່ພິທີມອບລາງວັນ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ແບ່ງປັນວ່າ: 10 ປີຜ່ານມາ, ລາງວັນຜູ້ມີຄວາມສາມາດແດນຫວຽດ ໄດ້ເປີດກ້ວາງທັງດ້ານຂອບຂະໜາດ ແລະ ອິດທິພົນຊື່ສຽງ. ລາງວັນສືບຕໍ່ແມ່ນກຳລັງໜູນເພື່ອປະຕິບັດບັນດາຄວາມໄຝ່ຝັນ, ຫັນບັນດາແນວຄວາມຄິດໃຫ້ປະກົດຜົນເປັນຈິງ ແລະ ແມ່ນຈຸດເລີ່ມຕົ້ນໃຫ້ແກ່ແຜນການໃນອະນາຄົດ… ຂອງວົງການນັກປັນຍາຊົນເຕັກໂນໂລຢີຂໍ້ມູນຂ່າວສານກໍ່ຄືເຊີດຊູບັນດາຜົນງານ, ການປະກອບສ່ວນອັນລ້ຳຄ່າຂອງບັນດານັກວິທະຍາສາດໃນທົ່ວປະເທດ. ປີນີ້, ເປັນຄັ້ງທຳອິດ, ຄະນະຈັດຕັ້ງຕົກລົງມອບລາງວັນສົ່ງເສີມຜູ້ເກັ່ງກ້າສາມາດໃຫ້ແກ່ບັນດາກິດຈະກຳທີ່ນຳມາເຊິ່ງຜົນປະໂຫຍດໃຫ້ແກ່ການດຳລົງຊີວິດຂອງປະຊາຊົນ. ລາງວັນນີ້ໄດ້ມອບໃຫ້ທ່ານ ຫວູດິ່ງຟຸກ, ສະມາຄົມສົ່ງເສີມການຮຽນແຂວງ ເລີມດົ່ງ.