ມອບລາງວັນໃຫ້ບັນດາອົງການຈັດຕັ້ງ ແລະ ບຸກຄົນຊາວໜຸ່ມທີ່ດີເດັ່ນ ອາຊຽນ
ພິທີມອບລາງວັນໃຫ້ຊາວໜຸ່ມດີເດັ່ນອາຊຽນ 10 ຄົນ
(ພາບ: baomoi.com)
(vovworld) - ພິທີມອບລາງວັນໃຫ້ບັນດາອົງການຈັດຕັ້ງ ແລະ ບຸກຄົນຊາວໜຸ່ມທີ່ດີເດັ່ນອາຊຽນ ຖືກດຳເນີນໄປໃນຕອນຄໍ່າວັນທີ 12/11, ຢູ່ຮ່າໂນ້ຍ. ຊາວໜຸ່ມດີເດັ່ນອາຊຽນ 10 ຄົນ ໄດ້ຮັບລາງວັນແມ່ນຍ້ອນມີບັນດາຜົນງານ, ປະກອບສ່ວນເຂົ້າໃນວົງຄະນະຍາດ. ກ່າວຄຳເຫັນຢູ່ທີ່ນີ້, ອ້າຍ ຫງວຽນດັກວິງ, ເລຂາທີໜຶ່ງສູນກາງຊາວໜຸ່ມ, ປະທານຄະນະກຳມະການແຫ່ງຊາດກ່ຽວກັບຊາວໜຸ່ມຫວຽດນາມ ຢືນຢັນວ່າ ຫວຽດນາມ ໃຫ້ຄຳໝັ້ນສັນຍາຈະສືບຕໍ່ຮ່ວມມື, ປະກອບສ່ວນເຂົ້າໃນວິວັດການກໍ່ສ້າງອາຊຽນ ໃຫ້ກາຍເປັນປະຊາຄົມທີ່ປອງດອງ ແລະ ມິດຕະພາບ, ເປັນເອກະພາບໃນຫຼາຍຮູບຫຼາຍແບບ, ອູ້ມຊູຊ່ວຍເຫຼືອ ແລະ ແບ່ງປັນບົດຮຽນເພື່ອສະຖຽນລະພາບ, ສັນຕິພາບ ແລະ ພັດທະນາ. ເນື່ອງໃນໂອກາດນີ້, ຕາງໜ້າໃຫ້ຄະນະກຳມະການແຫ່ງຊາດກ່ຽວກັບຊາວໜຸ່ມຫວຽດນາມ ແລະ ສະມາຊິກຊາວໜຸ່ມຫວຽດນາມ ທຸກຄົນ, ອ້າຍ ຫງວຽນດັກວິງ ໄດ້ຝາກຄຳແບ່ງເບົາຄວາມໂສກເສົ້າເສຍດາຍຢ່າງເລິກເຊິ່ງເຖິງບັນດາຜູ້ປະສົບເຄາະຮ້າຍຈາກພະຍຸ Haiyan ທີ່ຜ່ານມາຢູ່ປີລິບປີນ; ຮຽກຮ້ອງໃຫ້ບັນດາອົງການຈັດຕັ້ງຊາວໜຸ່ມໃນປະຊາຄົມອາຊຽນ ມີຂໍ້ລິເລີ່ມຫຼາຍຢ່າງ, ມີການກະທຳຢ່າງແທດຈິງ, ຮ່ວມແຮງຮ່ວມໃຈພ້ອມກັບຊາວໜຸ່ມ ແລະ ປະຊາຊົນຟີລິບປີນ ແກ້ໄຂຜົນຮ້າຍຢ້ອນຫຼັງຈາກພະຍຸ Haiyan.