ການເລືອກຕັ້ງຢູ່ ມຽນມາ
ພາບ:baotintuc.vn
|
(vovworld)- ເລີ່ມຕົ້ນແຕ່ 6 ໂມງເຊົ້າຂອງວັນທີ 8/11, ບັນດາສະຖານທີ່ປ່ອນບັດໃນທົ່ວປະເທດ ມຽນມາ ໄດ້ເປີດປະຕູຕ້ອນຮັບຜູ້ມີສິດເລືອກຕັ້ງ 32 ລ້ານຄົນເຂົ້າຮ່ວມການເລື່ອກຕັ້ງທົ່ວປະເທດ ທີ່ບໍ່ເຄີຍມີມາກ່ອນໃນປະຫວັດສາດຂອງມຽນມາ. ນີ້ແມ່ນການເລືອກຕັ້ງທົ່ວປະເທດຄັ້ງທຳອິດນັບແຕ່ເມື່ອປະເທດນີ້ດຳເນີນການປະຕິຮູບເປີດປະຕູພາຍຫລັງ ອຳນາດການປົກຄອງພົນລະເຮືອນແທນທີ່ອຳນາດການປົກຄອງການທະຫານກ່ອນນີ້ 4 ປີ. ຕາມຕົວເລກສະຖິຕິຂອງຄະນະກຳມະການເລືອກຕັ້ງ ມຽນມາ ແລ້ວ, ໃນຈຳນວນ 1.163 ຫົວຫນ່ວຍເລືອກຕັ້ງ, ມີ 330 ຫົວຫນ່ວຍຈະເລືອກຕັ້ງສະພາຕ່ຳ, 168 ຫົວຫນ່ວຍເລືອກຕັ້ງສະພາສູງ, 636 ຫົວຫນ່ວຍເລືອກຕັ້ງລັດຖະສະພາລັດ ຫລື ເຂດ ແລະ 29 ຫົວຫນ່ວຍເລືອກຕັ້ງລັດຖະສະພາລັດ ແລະ ເຂດຂອງບັນດາເຜົ່າພັນ.