(vovworld) - ສະພາບການຢູ່ເຂດຕາເວັນອອກສ່ຽງໃຕ້ ຢູແກຼນ ສືບຕໍ່ເຄັ່ງຕຶງຂຶ້ນຕື່ມ. ວັນທີ 01/05, ບັນດາຜູ້ແຫ່ຂະບວນປະທ້ວງຮຽກຮ້ອງຫັນຢູແກຼນ ເປັນສະຫະພັນ, ໄດ້ຢຶດຄອງສຳນັກງານຕຳຫຼວດນະຄອນ Krasnoarmeisk ຂຶ້ນກັບແຂວງ Donesk. ມີທະຫານລາດ Donesk ປະມານ 200 ຄົນໂດຍບໍ່ຖືອາວຸດໄດ້ບຸກເຂົ້າສຳນັກງານຕຳຫຼວດ. ຕາມເຂົ້າເຈົ້າແລ້ວ, ມີກຸ່ມໜຶ່ງທີ່ຂຶ້ນກັບອົງການຝ່າຍຂວາ ໄດ້ທຳລາຍຖານທີ່ໝັ້ນຂອງຜູ້ແຫ່ຂະບວນປະທ້ວງ ຢູ່ທາງເຂົ້ານະຄອນ ແລະ ຈັບຕົວ 11 ຄົນ. ໃນຂະນະນັ້ນ, ເພື່ອຮັບມືກັບສະພາບຫຍຸ້ງຍາກຄືປະຈຸບັນ, ວັນທີ 01/05, ທ່ານປະທານາທິບໍດີຊົ່ວຄາວຢູແກຼນ Alexander Turchinov ໄດ້ລົງນາມໃນລັດຖະດຳລັດກ່ຽວກັບບັນດາມາດຕະການເພີ່ມທະວີຄວາມສາມາດປ້ອງກັນປະເທດຂອງຊາດ ໃນນັ້ນມີການຟື້ນຟູລະບອບພັນທະການທະຫານ ຍ້ອນສະພາບເຄັ່ງຕຶງຢູ່ເຂດຕາເວັນອອກສ່ຽງໃຕ້. ຕາມລັດຖະດຳລັດດັ່ງກ່າວ, ພົນລະເມືອງທຸກຄົນໃນເກ່ັນອາຍຸແຕ່ 18 ຮອດ 25 ປີ ລ້ວນແຕ່ຕ້ອງປະຕິບັດພັນທະການທະຫານ.