(vovworld) –  ວັນ​ທີ 14/07, ທ່ານ​ປະທານາທິບໍດີ​ຢູ​ແກຼນ Petro Poroshenko ຖະ​ແຫຼ​ງຮັດ​ແຄບ​ບັນ​ດາ​ເຂດ​ດຳ​ເນີນ​ອັນ​ທີ່​ເອີ້ນ​ວ່າ “ບັ້ນ​ຮົບ​ຕ້ານ​ກໍ່​ການ​ຮ້າຍ” ຢູ່​ພາກ​ຕາ​ເວັນ​ອອກ​ຂອງ​ປະ​ເທດ​ນີ້. ກ່າວ​ຄຳ​ເຫັນ​​ໃນ​ກອງ​ປະຊຸມ​ກັບບັນດາ​ຜູ້ນຳ​ໜ້າ​ບັນດາອົງການ​ທີ່​ມີກຳລັງ​ແຮງ. ທ່ານ​ປະທານາທິບໍດີ Petro Poroshenko ​ເນັ້ນ​ໜັກ​ວ່າ ຕ້ອງ​ປ່ຽນ​ໃໝ່​ຍຸດ​ທະ​ສາດ​ເພື່ອ​ຮັດ​ແຄບ​ພາກ​ພື້ນ​ຜັນ​ຂະຫຍາຍດຳ​ເນີນບັ້ນ​ຮົບ​ຕ້ານ​ກໍ່​ການ​ຮ້າຍ, ມານະ​ພະຍາຍາມ​ປົກ​ປັກ​ຮັກສາ​ເຂດ​ຊາຍ​ແດນ ​ແລະ ຮັບປະ​ກັບ​ຄວາມ​ປອດ​​ໄພ​ໃຫ້​ແກ່​ປະຊາຊົນ​ທຸກ​ຄົນ. ​ແຕ່​ວ່າ, ທ່ານ​ກໍ່​ຢືນຢັນ​ບັ້ນ​ຮົບ​ພວມ​ກ້າວ​ເຂົ້າ​ສູ່​ໄລຍະຍອດ​ສູງ.

        ​ໃນ​ຂະນະ​ນັ້ນ, ສະພາບ​ການ​ຢູ່​ພາກ​ຕາ​ເວັນ​ອອກ​​ຢູ​ແກຼນ ພວມ​ມີ​ການ​ຜັນ​ແປ່​ຢ່າງ​ສັບສົນ. ອົງການ​ສື່​ມວນ​ຊົນ​ຂະໜານ​ນາມ​ເອງ​ວ່າ​ແມ່ນ Lugansk ​​ໃຫ້​ຮູ້​ວ່າ, ວັນ​ທີ 14/07, ກຳລັງ​ປ້ອງ​ກັນ​ທ້ອງ​ຖິ່ນ​ໄດ້​ຍິງ​ເຮືອບິນ 2 ລຳຂອງ​ກອງທັບ​ຢູ​ແກຼນ ​ຕົກຢູ່​ເຂດ Lisichansk ​ແລະ Izvatino. ​ໃນ​ຂະນະ​ນັ້ນ, ທ່ານ​ລັດຖະມົນຕີ​ກະຊວງ​ປ້ອງ​ກັນ​ປະ​ເທດຢູ​ແກຼນ Valeriy Heletey ​ໄດ້​ແຈ້ງ​ໃຫ້​ທ່ານ​ປະທານາທິບໍດີ Poroshenko ຊາບວ່າ ​ເຮືອ​ບິນ​ຂົນ​ສົ່ງ An 26 ຖືກ​ຍິງ​ຕົກ ​​ໃນ​ຂະນະ​ທີ່​ພວມ​ປະຕິບັດ​ໜ້າ​ທີ່ ​ແລະ ປະຈຸ​ບັນ​ບໍ່​ສາມາດ​ຕິດ​ຕໍ່​ສື່ສານກັບ​ຈຸ​ບິນ​ໄດ້. ປະຈຸ​ບັນ, ວຽກ​ງານ​ຊອກ​ຫາຊາກ​ເຮືອບິນ​ພວມ​ໄດ້​ຮັບ​ການ​ປະຕິບັດ.