(vovworld) – ຕອນຄຳ່ວັນທີ 22/5, ທ່ານນາຍົກລັດຖະມົນຕີ ອັງກິດ David Cameron ໄດ້ຈັດກອງປະຊຸມດ່ວນໃນຕອນເຊົ້າວັນທີ 23/5, ພາຍຫຼັງເກີດເຫດຄາດຕະກຳທີ່ຮ້າຍແຮງເຊິ່ງໄດ້ຮັບຖືວ່າກ່ຽວຂ້ອງເຖິງການກໍ່ການຮ້າຍຢູ່ທາງທິດຕາເວັນອອກສຽງໃຕ້ຂອງນະຄອນຫຼວງ ລອນດອນ.
ກ່ອນໜ້ານັ້ນ, ວັນທີ 22/5, ມີຊາວໜຸ່ມຜູ້ໜຶ່ງຖືກຟັນຕາຍດ້ວຍພ້າ ໃນຖະໜົນຢູ່ເຂດ Woolwich ຕໍ່ໜ້າການເປັນສັກຂີພິຍານຂອງຫຼາຍຄົນ. ເຫດການດັ່ງກ່າວເກີດຂຶ້ນຢູ່ເຂດໃກ້ກັບຄ້າຍທະຫານແຫ່ງໜຶ່ງ ແລະ ຫຼັງຈາກນັ້ນຜູ້ບຸກໂຈມຕີ 2 ຄົນຖືກຕຳຫຼວດຍິງບາດເຈັບ. ສື່ມວນຊົນ ອັງກິດ ໄດ້ຄັດສະເໜີຄຳເວົ້າຂອງຕົວພະຍານຫຼາຍຄົນໂດຍໃຫ້ຮູ້ວ່າ: ຜູ້ປະສົບເຄາະຮ້າຍແມ່ນທະຫານ ອົງກິດ. ແຕ່ເຖິງຢ່າງໃດກໍ່ຕາມ, ຊື່ຂອງຜູ້ປະສົບເຄາະຮ້າຍຍັງບໍ່ໄດ້ຮັບການປະກາດເທື່ອ. ກ່າວຄຳເຫັນຈາກ ປາຣີ ໃນການປະຊຸມຂ່າວກັບປະທານາທິບໍດີ ຝຣັ່ງ Francois Hollande ພາຍຫຼັງການເຈລະຈາ, ທ່ານນາຍົກລັດຖະມົນຕີ ອັງກິດ Cameron ເວົ້າວ່າ: ປະເທດ ອັງກິດ ຈະບໍ່ຍອມຈຳນົນເມື່ອປະເຊີນໜ້າກັບບັນດາການບຸກໂຈມຕີຄືດັ່ງກ່າວ. ທ່ານປະທານາທິບໍດີ ຝຣັ່ງ Francois Hollande ສະແດງນ້ຳໃຈສາມັກຄີກັບນາຍົກລັດຖະມົນຕີ Cameron ແລະ ປະເທດ ອັງກິດ ໃນເຫດການດັ່ງກ່າວ.