ລັດຖະບານວາງອອກ 6 ໜ້າທີ່ຕົ້ນຕໍ່ເພື່ອພັດທະນາວິທະຍາສາດ ແລະ ເຕັກໂນໂລຢີ
ພາບປະກອບ
(vovworld) - ລັດຖະບານຫາກໍ່ປະກາດໃຊ້ໂຄງການດຳເນີນງານປະຕິບັດມະຕິເລກທີ 20 ຂອງກອງປະຊຸມຄັ້ງທີ 6 ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ 9 ກ່ຽວກັບການພັດທະນາວິທະຍາສາດ ແລະ ເຕັກໂນໂລຢີເພື່ອຮັບໃຊ້ພາລະກິດຫັນເປັນອຸດສາຫະກຳ ແລະ ທັນສະໄໝ ໃນເງື່ອນໄຂເສດຖະກິດການຕະຫຼາດຕາມກຳນົດທິດສັງຄົມນິຍົມ ແລະ ເຊື່ອມໂຍງເຂົ້າກັບສາກົນ. ໂຄງການລວມມີ 6 ໜ້າທີ່ຕົ້ນຕໍ່, ໃນນັ້ນມີເລື່ອງສືບຕໍ່ສ້າງປັບປຸງລະບອບປ່ຽນໃໝ່ຢ່າງແຮງ, ມີກົນໄກຄຸ້ມຄອງຢ່າງຄົບຊຸດ, ຈັດຕັ້ງ, ການເຄື່ອນໄຫວວິທະຍາສາດ ແລະ ເຕັກໂນໂລຢີ; ເສີມຂະຫຍາຍ ແລະ ເພີ່ມທະວີກຳລັງຄວາມສາມາດດ້ານວິທະຍາສາດ ແລະ ເຕັກໂນໂລຢີແຫ່ງຊາດ, ພັດທະນາຕະຫຼາດວິທະຍາສາດ ແລະ ເຕັກໂນໂລຢີ, ຮ່ວມມື ແລະ ເຊື່ອມໂຍງເຂົ້າກັບສາກົນກ່ຽວກັບ ວິທະຍາສາດ ແລະ ເຕັກໂນໂລຢີ. ຕາມໂຄງການແລ້ວ, ລັດຖະບານຈະປັບປຸງກົດໝາຍວ່າດ້ວຍວິທະຍາສາດ ແລະ ເຕັກໂນໂລຢີ, ສ້າງບັນດາເອກະສານແນະນຳການປະຕິບັດເພື່ອຫັນບັນດາເນື້ອໃນປ່ຽນໃໝ່ເປັນລະອຽດ, ສົ່ງເສີມເອກະຊົນສ້າງຕັ້ງ ຫຼື ຮ່ວມສຳພັນກັບລັດເພື່ອສ້າງຕັ້ງບັນດາກອງທຶນລົງທຶນສ່ຽງໄພໜູນຊ່ວຍພັດທະນາເຕັກໂນໂລຢີໃໝ່, ເຕັກໂນໂລຢີສູງ.