(vovworld)- ລັດ​ຖະ​ບານ ອັງ​ກິດ ເລີ່ມ​ຕົ້ນ​ການ​ຮຽບ​ຮຽງ​ຮ່າງ​ກົດ​ໝາຍ​ກ່ຽວ​ກັບ​ວິ​ວັດ​ການ​ປະ​ເທດນີ​ນ​ຖອນ​ອອກ​ຈາກ ສະ​ຫະ​ພາບ​ເອີ​ລົບ (EU) ໃນ​ສະ​ພາບ​ການ ນາ​ຍົກ​ລັດ​ຖະ​ມົນ​ຕີ Theresa May ມີ​ຄວາມ​ເຊື່ອ​ໝັ້ນ​ວ່າ ອາດ​ຈະ​ຕ່າວ​ປີ້ນ​ຄຳ​ຕັດ​ສິນ​ຂອງ​ສານ,  ​ແມ່ນ​ສາ​ມາ​ດ​ໂຈະ​ວິ​ວັດ​ການ Brexit ​ນີ້​ໄວ້​ໄດ້. ສັບ​ປະ​ດາ​ຜ່ານ​ມາ, ​ສານ​ດີ​ກາ ອັງ​ກິດ ໄດ້​ອອກ​ຄຳ​ຕັດ​ສິນ​ວ່າ ລັດ​ຖະ​ບານ ອັງ​ກິດ ຕ້ອງ​ໄດ້​ຮັບ​ການ​ໃຫ້​ສັດ​ຕະ​ຍາ​ບັນ​ຂອງ​ສ​ະ​ພາ​ແຫ່ງ​ຊາດ​ເພື່ອ​​ຜັນ​ຂະ​ຫຍາຍມາດ​ຕາ 50 ​ຂອງສົນ​ທິ​ສັນ​ຍາ Lisbon  ​ດຳ​ເນີນ​ວິ​ວັດ​ການ​ຖອນ​ອອກ​ຈາກ EU  ທີ່​ແກ່​ຍາວ​ມາ​ເປັນເວ​ລາ 2 ປີ. ລັດ​ຖະ​ບານ ອັງ​ກິດ ຖື​ວ່າ: ສິ່ງນີ້ ອາດ​ຈະ​​ສາ​ມາດໂຈະ​ໄວ້​​ໂດຍບໍ່​ມ​ີ​ກຳ​ນົດ​ເວລາເລື່ອງ​ຜັນ​ຂະ​ຫຍາຍມາດ​ຕາ 50 ​ຂອງສົນ​ທິ​ສັນ​ຍາ Lisbon ໄດ້  ​ໃນຂະ​ນະ​ທີ່​ສະ​ມາ​ຊິກລັດ​ຖະ​ສະ​ພາ ອັງ​ກິດ ສ່ວນ​ຫລາຍ​ຢາກ​ໃຫ້ປະ​ເທດນີ້​ຢູ່​ຄືນ EU.

ໃນ​ຂະ​ນະ​ນັ້ນ ນາ​ຍົກ​ລັດ​ຖະ​ມົນ​ຕີ May ຕັດ​ສິນ​ໃຈ​ປະ​ຕິ​ບັດ​ສິ່ງ​ທີ່​ທ່ານ​ນາງ​ຖື​ວ່າ “ຄວາມ​ມຸ້ງ​ມາດ​ປາດ​ຖະ​ຫນາ​ຂອງ​ປະ​ຊາ​ຊົນ”, ຕາມນັ້ນ​ແລ້ວ ການ​ກຳ​ນົດ​ເວ​ລາ​ສຸດ​ທ້າຍ​ແມ່ນ​ເດືອນ 3/2017 ຈະ​ເລີ່ມ​ດຳ​ເນີນ​ບັນ​ດາ​ການ​ເຈ​ລະ​ຈາ​ກ່ຽວ​ກັບ​ເລື່ອງ ອັງ​ກິດ ​ຖອນອອກ​ຈາກ EU ຈະ​ບໍ່​ມີ​ການ​ປ່ຽນ​ແປງ.