ລັດຖະມົນຕີກະຊວງຕຳຫຼວດ ໂຕເລິມ ໃຫ້ການຕ້ອນຮັບເອກອັກຄະລັດຖະທູດ ສິງກະໂປ ປະຈຳ ຫວຽດນາມ
(VOVWORLD) - ຕອນບ່າຍວັນທີ 28 ທັນວາ, ຢູ່ຮ່າໂນ້ຍ, ທ່ານພົນເອກ ໂຕເລິມ, ລັດຖະມົນຕີກະຊວງຕຳຫຼວດ ຫວຽດນາມ ໄດ້ໃຫ້ການການຕ້ອນຮັບທ່ານນາງ Catherine Wong Siow Ping, ເອກອັກຄະລັດຖະທູດຜູ້ມີອຳນາດເຕັມແຫ່ງ ສາທາລະນະລັດ ສິງກະໂປ ປະຈຳ ຫວຽດນາມ ທີ່ໄດ້ເຂົ້າຢ້ຽມອຳລາ ເນື່ອງໃນໂອກາດສິ້ນສຸດອາຍຸການປະຕິບັດໜ້າທີ່ທາງການທູດ ຢູ່ ຫວຽດນາມ.
 ທ່ານ ລັດຖະມົນຕີກະຊວງຕຳຫຼວດ ໂຕເລິມ ໃຫ້ການຕ້ອນຮັບທ່ານນາງ Catherine Wong Siow Ping ເອກອັກຄະລັດຖະທູດ ສິງກະໂປ ປະຈຳ ຫວຽດນາມ (ພາບ:cand.com.vn) |
ທ່ານລັດຖະມົນຕີກະຊວງ ຕຳຫຼວດ ຫວຽດນາມ ໂຕເລິມ ເນັ້ນໜັກວ່າ ລັດຖະບານ, ປະຊາຊົນ ຫວຽດນາມ ເວົ້າລວມ ແລະ ກຳລັງຕຳຫຼວດປະຊາຊົນເວົ້າສະເພາະ ຕີລາຄາສູງການປະກອບສ່ວນຂອງທ່ານນາງເອກອັກຄະລັດຖະທູດທີ່ມີຕໍ່ການພົວພັນສອງຝ່າຍລະຫວ່າງສອງປະເທດ ແລະ ການພົວພັນລະຫວ່າງກຳລັງຕຳຫຼວດປະຊາຊົນ ຫວຽດນາມ ກັບກຳລັງປະຕິບັດກົດໝາຍ ສິງກະໂປ. ທ່ານລັດຖະມົນຕີກະຊວງຕຳຫຼວດ ຫວຽດນາມ ໂຕເລິມ ປາດຖະໜາວ່າ ໃນໄລຍະຈະມາເຖິງ, ທ່ານນາງ ເອກອັກຄະລັດຖະທູດ Catherine Wong Siow Ping ຈະສືບຕໍ່ມີບັນດາການປະກອບສ່ວນຢ່າງໃຫຍ່ຫຼວງໃຫ້ແກ່ສາຍພົວພັນລະຫວ່າງ ຫວຽດນາມ - ສິງກະໂປ ເວົ້າລວມ ແລະ ລະຫວ່າງກຳລັງຕຳຫຼວດປະຊາຊົນ ຫວຽດນາມ ກັບບັນດາອົງການປະຕິບັດກົດໝາຍຂອງ ສິງກະໂປ ເວົ້າສະເພາະ.