(vovworld) - ວັນທີ 03/11, ທ່ານລັດຖະມົນຕີການຕ່າງປະເທດອາເມລິກາ John Kerry ໃຫ້ຮູ້ວ່າ, ທ່ານຍັງມີຄວາມເຊື່ອໝັ້ນຕໍ່ອະນາຄົດຂອງການພົວພັນລະຫວ່າງອາເມລິກາ -ຟີລິບປິນ ໂດຍບໍ່ຫົວຊາຕໍ່ “ຄວາມບໍ່ລົງລອຍກັນໃດໜຶ່ງ” ແລະ ທ່ານຫວັງວ່າຈະໄດ້ມາຢ້ຽມຢາມມານີລາ ກ່ອນທີ່ບໍ່ດຳລົງຕຳແໜ່ງເປັນລັດຖະມົນຕີໃນເດືອນ 01/2017. ກ່າວຄຳເຫັນໃນພິທີສະບານຕົວຮັບດຳລົງຕຳແໜ່ງຂອງທ່ານເອກອັກຄະລັດຖະທູດອາເທລິກາ ຄົນໃໝ່ປະຈຳຟີລິບປີນ Sung Kim ເຊິ່ງໄດ້ຮັບການຈັດຕັ້ງຢູ່ສຳນັກງານກະຊວງການຕ່າງປະເທດອາເມລິກາ, ທ່ານ John Kerry ເນັ້ນໜັກເຖິງການພົວພັນເລິກເຊິ່ງລະຫວ່າງອາເມລິກາ - ຟີລິບປິນ ແລະ ຢືນຢັນວ່າ, ພັນທະມິດລະຫວ່າງ 2 ປະເທດແມ່ນບໍ່ສາມາດປ່ຽນແປງໄດ້. ທ່ານ John Kerry ຖືວ່າ, ອາເມລິກາ ແລະ ຟີລິບປິນ ຈະ “ສືບຕໍ່ທາບທາມຄວາມເຫັນຢ່າງເປີດອົກເປີດໃຈ ແລະ ຊື່ຕົງກ່ຽວກັບບັນດາບັນຫາທີ່ມີການກະທົບເຖິງທັງ 2 ປະເທດ”.