ລັດຖະມົນຕີລາຊະອາ ນາຈັກອັງກິດຢ້ຽມຢາມ ຫວຽດນາມ
ງານວາງສະແດງຮ່ຳຮຽນຢູ່ອັງກິດທີ່ຮ່າໂນ້ຍ
(ພາບ: TTXVN
(vovworld)- ຕອນບ່າຍວັນທີ 6/1, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ ຫວູ້ດຶກດາມ ໄດ້ໃຫ້ການຕ້ອນຮັບທ່ານ Grant Shapps ລັດຖະມົນຕີລາຊະອານາຈັກອັງກິດ ຊື່ງພວມຢູ່ຢ້ຽມຢາມ ແລະ ເຮັດວຽກຢູ່ຫວຽດນາມ. ທ່ານຮອງນາຍົກລັດຖະມົນຕີ ຫວູ້ດຶກດາມ ຕີລາຄາສູງໝາກຜົນການເຮັດວຽກຂອງ ທ່ານລັດຖະມົນຕີລາຊະອານາຈັກອັງກິດ Grant Shapps ກັບການນຳບັນດາກະຊວງ, ຂະແໜງການຂອງຫວຽດນາມ ພ້ອມທັງຖືວ່າ: ການຢ້ຽມຢາມຈະປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການພົວພັນຮ່ວມມືລະຫວ່າງສອງປະເທດໃນຫຼາຍຂົງເຂດ. ທ່ານຮອງນາຍົກລັດຖະມົນຕີ ຫວູ້ດຶກດາມ ຢືນຢັນວ່າ: ຫວຽດນາມ ຈະມານະພະຍາຍາມພ້ອມກັບລາຊະອານາຈັກອັງກິດ ສືບຕໍ່ນຳການພົວພັນລະຫວ່າງສອງປະເທດນັບມື້ນັບເຂົ້າສູ່ລວງເລິກ ແລະ ມີປະສິດທິຜົນ. ທ່ານຮອງນາຍົກລັດຖະມົນຕີ ຫວູ້ດຶກດາມ ສະເໜີໃຫ້ສອງປະເທດຕ້ອງເພີ່ມທະວີການຮ່ວມມືດ້ານເສດຖະກິດ, ສົ່ງເສີມການຄ້າ, ການລົງທຶນກ່ວາອີກ ແລະ ປາດຖະໜາວ່າ: ລາຊະອານາຈັກອັງກິດ ຈະສະໜັບສະໜູນຫວຽດນາມ ເຈລະຈາສັນຍາການຄ້າເສລີລະຫວ່າງຫວຽດນາມ-ອີຢູ, ສືບຕໍ່ສະຫງວນທຶນ ODA ໃຫ້ແກ່ຫວຽດນາມ./.