ທ່ານ Dmitry Peskov, ໂຄສົກຂອງ ປະທານາທິບໍດີ ລັດເຊຍ

ວັນທີ 2 ກຸມພາ, ທ່ານ Dmitry Peskov, ໂຄສົກຂອງ ປະທານາທິບໍດີ ລັດເຊຍ ໄດ້ປະຕິເສດບັນດາຄຳກ່າວຫາຂອງຝ່າຍຕາເວັນຕົກຕໍ່ລັດເຊຍ ພາຍຫຼັງ ສານສະຫະພັນຂອງທ່ານປະທານາທິບໍດີ Vladimir Putin ສະເໜີເມື່ອວັນທີ 1 ມີນາ. ທີ່ການປະຊຸມຂ່າວຢູ່ ມົດສະກູ, ທ່ານ Peskov ເດັດດ່ຽວປະຕິເສດບັນດາຄຳກ່າວຫາໂດຍຖືວ່າ ລັດເຊຍ ລະເມີດບັນດາມາດຕາຂອງກົດໝາຍສາກົນວ່າດ້ວຍການຄວບຄຸມການຫລຸດຜ່ອນອາວຸດ, ພ້ອມທັງຢັ້ງຢືນວ່າ ລັດເຊຍ ໄດ້ ແລະ ຍັງຄົງປະຕິບັດຕາມບັນດາຄຳໝັ້ນສັນຍາສາກົນຂອງຕົນ. ທ່ານເນັ້ນໜັກເລື່ອງ ລັດເຊຍ ພັດທະນາບັນດາອາວຸດໃໝ່ ບໍ່ມ້າງທຳລາຍຄວາມດຸ່ນດ່ຽງດ້ານນິວເຄຼຍ ໃນໂລກ. ລັດເຊຍ ບໍ່ພັດທະນາບັນດາປະເພດອາວຸດທີ່ສາມາດດັບສູນກຳລັງຍຸດທະສາດຂອງປະເທດອື່ນ.

        ທ່ານ Peskov ກໍ່ຢືນຢັນສານສະຫະພັນປີ 2018 ຂອງທ່ານປະທານາທິບໍດີ Putin ບໍ່ມີລັກສະນະນິຍົມນຳໃຊ້ກຳລັງທະຫານ, ບັນດາອາວຸດໃໝ່ໄດ້ສະເໜີໃນນັ້ນໄດ້ຮັບປະກັນການຮັກສາຄວາມດຸ່ນດຽງດ້ານນິວເຄຼຍໃນໂລກ, ສິ່ງທີ່ຈຳເປັນເພື່ອສັນຕິພາບ ແລະ ສະຖຽນລະພາບໃນທົ່ວໂລກ.