(vovworld) – ວັນທີ 14/5, ກ່າວຄຳເຫັນຕໍ່ວົງການສື່ມວນຊົນກ່ອນການຢ້ຽມຢາມລັດເຊຍ ຂອງທ່ານເລຂາທິການໃຫຍ່ສະຫະປະຊາຊາດ Ban Ki – moon. ທ່ານຮອງລັດຖະມົນຕີການຕ່າງປະເທດ ລັດເຊຍ Gennady Gatilov ຮຽກຮ້ອງໃຫ້ຈັດຕັ້ງກອງປະຊຸມສາກົນກ່ຽວກັບ ຊີຣີ ຢ່າງຮີບດ່ວນ, ພ້ອມທັງໄດ້ຄັດຄ້ານແນວຄວາມຄິດສ້າງເຂດຫ້າມບິນຢູ່ປະເທດ ຕາເວັນອອກກາງນີ້. ປະຕິກິລິຍາຕໍ່ຄຳຮຽກຮ້ອງດັ່ງກ່າວຂອງ ລັດເຊຍ, ທ່ານລັດຖະມົນຕີຖະແຫຼງຂ່າວ ຊີຣີ Omran Zoabi ເນັ້ນໜັກວ່າ: ຊີຣີ ຄວນຮູ້ເນື້ອໃນລະອຽດຂອງກອງປະຊຸມສາກົນເຊິ່ງ ລັດເຊຍ ແລະ ອາເມລິກາ ສະເໜີ, ກ່ອນທີ່ຍົກອອກຄຳຕັດສິນຈະເຂົ້າຮ່ວມຫຼືບໍ່. ໃນຂະນະນັ້ນ, ລັດຖະມົນຕີການຕ່າງປະເທດ ຝຮັ່ງ Laurent Fabius ສະແດງຄວາມລະແວງສົງໃສຕໍ່ຂໍ້ລິເລີ່ມຂອງ ລັດເຊຍ - ອາເມລິກາ, ຖືວ່າ ຍາກທີ່ຈະຈັດຕັ້ງກອງປະຊຸມທີ່ມີການເຂົ້າຮ່ວມຂອງທັງລັດຖະບານຊີຣີ ແລະ ຝ່າຍຄ້ານໄດ້.