ພາບປະກອບ: TASS

ວັນທີ 27 ຕຸລາ, ທ່ານປະທານາທິບໍດີ ລັດເຊຍ Vladimir Putin ໃຫ້ຮູ້ວ່າ ກະຊວງປ້ອງກັນປະເທດ ລັດເຊຍ ພວມຄົ້ນຄ້ວາບັນດາວິທີການຮັບມືທີ່ແຕກຕ່າງກັນ ຖ້າອາເມລິກາ ແລະ ບັນດາປະເທດພັນທະມິດໃນກຸ່ມທະຫານ ສົນທິສັນຍາອັດລັງຕິກເໜືອ (NATO) ຊ່ວຍ ຢູແກຼນ ບຸກໂຈມຕີເລິກ ເຂົ້າດິນແດນລັດເຊຍ ດ້ວຍລູກສອນໄຟໄລຍະໄກຂອງຝ່າຍຕາເວັນຕົກ.

ການປະທະກັນ ຢູແກຼນ ແກ່ຍາວກ່ວາ 2 ປີຜ່ານມາ ໄດ້ສ້າງເປັນການສູ້ຢັນກັນຢ່າງຮ້າຍແຮງທີ່ສຸດລະຫວ່າງ ລັດເຊຍ ແລະ ຝ່າຍຕາເວັນຕົກ ນັບແຕ່ເວລາເກີດສົງຄາມເຢັນ ແລະ ບັນດາເຈົ້າໜ້າທີ່ ລັດເຊຍ ໃຫ້ຮູ້ວ່າ ປັດຈຸບັນ ການປະທະກັນພວມຢູ່ໃນໄລຍະອັນຕະລາຍທີ່ສຸດ. ໃນຫຼາຍອາທິດຜ່ານມາ, ລັດເຊຍໄດ້ສົ່ງສັນຍານໄປຍັງ ອາເມລິກາ ແລະ ບັນດາສຳພັນທະມິດວ່າ ຖ້າເຂົາເຈົ້າອະນຸຍາດໃຫ້ ຢູແກຼນນຳໃຊ້ອາວຸດໂດຍຝ່າຍຕາເວັນຕົກສະໜອງ ບຸກໂຈມຕີເລິກ ເຂົ້າດິນແດນລັດເຊຍ ລັດເຊຍ ຈະຖືວ່ານີ້ແມ່ນການກະທຳເຮັດໃຫ້ຄວາມເຄັ່ງຕຶງເພີ່ມຂຶ້ນຢ່າງຮ້າຍແຮງ.

ທ່ານປະທານາທິບໍດີ Putin ປະກາດວ່າ ການອະນຸຍາດຂອງຝ່າຍຕາເວັນຕົກ ໃຫ້ແກ່ບາດກ້າວເດີນຄືແບບນີ້ແມ່ນ ການເຂົ້າຮ່ວມສົງຄາມຢູ່ຢູແກຼນແບບໂດຍກົງຂອງ ບັນດາປະເທດ NATO, ອາເມລິກາ ແລະ ບັນດາປະເທດຢູ່ຝ່າຍຕາເວັນຕົກ” ຍ້ອນວ່າ ພື້ນຖານໂຄງລ່າງດ້ານການທະຫານ ແລະ ບຸກຄະລາກອນຂອງ NATO ຈະຕ້ອງເຂົ້າຮ່ວມການແນໃສ່ເປົ້າໝາຍ ແລະ ຍິງລູກສອນໄຟ.