(vovworld) - ວັນທີ 21/10, ມີຜູ້ແຫ່ຂະບວນປະທ້ວງປະມານ 500 ຄົນໄດ້ເຂົ້າບໍລິເວນອ້ອມຂ້າງຕຶກອາຄານຂອງສະພາແຫ່ງຊາດລີບີ ເພື່ອຮຽກຮ້ອງຢຸດຕິການໃຊ້ຄວາມຮຸນແຮງຢູ່ເທດສະບານເມືອງ Bani Walid, ຫ່າງຈາກນະຄອນຫຼວງ Tripoli 180 ກ.ມ ໄປທາງທິດຕາເວັນອອກ ທີ່ພວມປະສົມກັບການຍິງປືນໃຫຍ່ຂອງກຸ່ມປະກອບອາວຸດ. ຕາມບັນດາຜູ້ແຫ່ຂະບວນປະທ້ອງ, ເຂົາເຈົ້າໄດ້ເຕົ້າໂຮມຢູ່ຕຶກອາຄານສະພາແຫ່ງຊາດຢູ່ນະຄອນຫຼວງ Tripoli ເພື່ອຮຽກຮ້ອງລັດຖະບານຊອກຫາມາດຕະການສັນຕິພາບໃຫ້ແກ່ສົງຄາມທີ່ພວມເກີດຂຶ້ນຢູ່ Bani Walid, ເຊິ່ງແມ່ນເທດສະບານເມືອງຮັບຖືວ່າ ແມ່ນໜຶ່ງໃນບັນດາເຂດກຳແພງສຸດທ້າຍຂອງອະດີດການນຳ Muammar Gaddafi. ກຳລັງປ້ອງກັນຄວາມສະຫງົບຕ້ອງຍິງຂຶ້ນຟ້າເພື່ອສະຫຼາຍຜູ້ແຫ່ຂະບວນປະທ້ວງ. ສ່ວນຢູ່ນະຄອນທະເລ Benghazi, ມີ 400 ຄົນໄດ້ເຂົ້າບໍລິເວນສຳນັກງານສະຖານີໂທລະພາບເອກະຊົນ Al – Ahrar ເພື່ອຮຽກຮ້ອງປະກາດບັນດາຫຼັກຖານກ່ຽວກັບເລື່ອງ Khamis, ລູກຊາຍຂອງທ່ານ Gaddafi ຖືກເສຍຊີວິດໃນການປະທະກັນລະຫວ່າງທອງທັບລັດຖະບານ ແລະ ບັນດາມືປືນຢູ່ Bani Walid ເມື່ອວັນທີ 20/10.