ປະທານາທິບໍດີລີບັງ Michel Sleiman
(ພາບປະກອບ: cand.com.vn)
(vovworld) – ວັນທີ 6/4, ປະທານາທິບໍດີລີບັງ Michel Sleiman ໄດ້ບົ່ງຕົວ ສສ Tammam Salam, ອາຍຸ 58 ປີ, ຜູ້ທີ່ເຄີຍເປັນລັດຖະມົນຕີກະຊວງວັດທະນະທຳໃນລັດຖະບັງເກົ່າ ເປັນນາຍົກລັດຖະມົນຕີຄົນໃໝ່, ແທນໃຫ້ທ່ານນາຍົກລັດຖະມົນຕີ Najib Mikati ຜູ້ຫາກໍ່ລາອອກຈາກຕຳແໜ່ງເມື່ອທ້າຍເດືອນກ່ອນ. ສສ 124 ທ່ານ ໃນຈຳນວນ ສສ 128 ທ່ານ ທີ່ຍັງເຄື່ອນຫວໃນສະພາແຫ່ງຊາດລີບັງ ໄດ້ປ່ອນບັດສະໜັບສະໜູນເລື່ອງແຕ່ງຕັ້ງໃຫ້ທ່ານ Tammam Salam ສ້າງຕັ້ງລັດຖະບານໃໝ່. ທ່ານນາຍົກລັດຖະມົນຕີລີບັງ ຜູ້ຫາກໍ່ຮັບດຳລົງຕຳແໜ່ງ Tammam Salam ຢືນຢັນ ຈະສ້າງຕັ້ງລັດຖະບານໃໝ່ເພື່ອຜົນປະໂຫຍດແຫ່ງຊາດ, ພ້ອມທັງສ້າງພື້ນຖານປະຊາທິປະໄຕໃຫ້ແກ່ປະເທດ ກໍ່ຄືສະພາແຫ່ງຊາດລີບັງ. ທ່ານກໍ່ໄດ້ຖະແຫຼງວ່າ, ບຸລິມາສິດອັນດັບໜຶ່ງຂອງລັດຖະບານໃໝ່ ໂດຍທ່ານນຳພານັ້ນ ແມ່ນເລື່ອງຈັດການເລືອກຕັ້ງສະພາແຫ່ງຊາດ ປະຊາທິປະໄຕຢູ່ລີບັງ.