ລາຍການພົບປະແລກ ປ່ຽນ,ສະແດງສິລະ ປະພິເສດ “ເຊື່ອໝັ້ນ ຕໍ່ພັກຕະຫຼອດໄປ“
(ພາບ: vov)
(vovworld)-ລາຍການພົບປະແລກປ່ຽນສະແດງສິລະປະພິເສດ “ເຊື່ອໝັ້ນຕໍ່ພັກຕະຫຼອດໄປ“ ຖືກຈັດຂຶ້ນໃນ ຕອນຄ່ຳວັນທີ 25/1 ຢູ່ໂຮງລະຄອນໃຫ່ຍຮ່າໂນ້ຍ ເພື່ອຂ່ຳນັບຮັບຕ້ອນພິທີສະເຫຼີມສະຫຼອງ 84 ປີແຫ່ງວັນສ້າງຕັ້ງພັກກອມມູນິດຫວຽດນາມ (3/2/1930-3/2/2014), ທ່ານຮອງນາຍົກລັດຖະມົນຕີ ຫງວຽນຊວນ ຟຸກ ແລະ ການນຳບັນດາກະຊວງ, ຂະແໜງການ ສູນກາງໄດ້ເຂົ້າຮ່ວມລາຍການ.
ບັນດາແຂກຖືກເຊີນໄດ້ພ້ອມກັນແລກປ່ຽນກ່ຽວກັບປະຫວັດສາດ, ບັນດາຂີດໝາຍ ອັນສະຫງ່າລາສີ ແລະ ບົດບາດນຳພາຂອງພັກກອມມູນິດຫວຽດນາມ ໃນຕະຫຼອດ 84 ປີຜ່ານມາ; ບາງບັນຫາວາງອອກເພື່ອເພີ່ມທະວີກຳລັງຕໍ່ສູ້, ຄວາມສາມາດ ແລະ ບົດບາດນຳພາຂອງພັກ, ຄວາມສາມາດໃນການປັບປຸງ, ປ່ຽນໃໝ່ຂອງພັກ ເພື່ອໃຫ້ພັກກອມມູນິດຫວຽດນາມ ຍາມໃດກໍ່ສົມແມ່ນກຳລັງນຳໜ້ານຳພາການປະຕິ ວັດຫວຽດນາມ; ການແຜ່ຂະຫຍາຍຂອງມະຕິສູນກາງພັກຄັ້ງທີ 4 ເຖິງທຸກດ້ານຂອງຊີວິດການເມືອງສັງຄົມ; ອີງໃສ່ ປຊຊ ເພື່ອກໍ່ສ້າງພັກ; ສືບຕໍ່ຍູ້ແຮງການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ…ລາຍການຍັງຍົກອອກອາລົມຈິດຄວາມຮັກແພງ, ຄວາມເອກອ້າງທະນົງໃຈ, ຄວາມເຊື່ອມໝັ້ນຂອງ ປຊຊ ທຸກຊັ້ນວັນນະຕໍ່ບົດບາດນຳພາຂອງພັກ, ຂອງປະທານໂຮ່ຈິມິນຜູ້ຍິ່ງໃຫ່ຍ; ຢັ້ງຢືນຄວາມຕັດສິນໃຈຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ; ກໍ່ສ້າງພັກກອມມູນິດຫວຽດນາມ ປອດໄສ, ໝັ້ນຄົງເຂັ້ມແຂງ, ສົມເປັນກຳລັງທີ່ດີເດັ່ນ, ນຳໜ້ານຳພາປະເທດຊາດດຳເນີນພາລະກິດຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝ ແລະ ເຊື່ອມໂຍງເຂົ້າກັບໂລກສຳເລັດຜົນ./.