(vovworld) - “ລະດູບານໃໝ່ຢູ່ເຈື່ອງຊາ” ປີ 2013 ນັ້ນແມ່ນຫົວຂໍ້ຂອງລາຍການພົບປະແລກປ່ຽນສະແດງສິລະປະເຊິ່ງດຳເນີນໄປໃນຕອນຄໍ່່າວັນທີ 05/01 ຢູ່ຮ່າໂນ້ຍ. ນີ້ແມ່ນລາຍການພົບປະແລກປ່ຽນສະແດງສິລະປະຄັ້ງທຳອິດຂອງປີມຸ່ງໄປສູ່ເຂດທະເລໝູ່ເກາະ, ມຸ່ງໄປເຖິງເຈື່ອງຊາ ທີ່ຮັບແພງ, ສະແດງນ້ຳໃຈຮັກແພງຂອງປະຊາຊົນເຂດດິນຕໍ່ແຜ່ນກັບປະຊາຊົນ, ນັກຮົບເຂດທະເລໝູ່ເກາະທີ່ຫ່າງໄກ, ສ້າງຄວາມໄວ້ເນື້ອເຊື່ອໃຈ ແລະ ຄວາມຕັດສິນໃຈປົກປັກຮັກສາເອກະລາດ, ອະທິປະໄຕ, ເອກະພາບຜືນແຜ່ນດິນອັນຄົບຖ້ວນ. ທ່ານຮອງປະທານສະພາແຫ່ງຊາດຫວຽດນາມ ວົງຈູລິວ ແບ່ງປັນວ່າ.
“ນີ້ແມ່ນການເຄື່ອນໄຫວທີ່ມີຄວາມໝາຍ. ອາດເວົ້າໄດ້ວ່າ ປະຊາຊົນຫວຽດນາມ ພວມມຸ່ງໄປສູ່ນັກຮົບ ແລະ ປະຊາຊົນໃນໝູ່ເກາະ ເຈື່ອງຊາ ດ້ວຍນ້ຳໃຈຄວາມຮັກແພງ ແລະ ຫວັງວ່າຜ່ານການເຄື່ອນໄຫວນີ້ຈະສືບຕໍ່ໂຄສະນາ, ຍົກສູງສະຕິຄວາມຮັບຮູ້ຂອງປະຊາຊົນທຸກຊັ້ນວັນນະກ່ຽວກັບທີ່ຕັ້ງບົດບາດຂອງເຂດທະເລໝູ່ເກາະໃນພາລະກິດສ້າງສາ ແລະ ປົກປັກຮັກສາປະເທດຊາດ. ລາຍການພົບປະແລກປ່ຽນສະແດງສິລະປະກໍແມ່ນຂອງຂວັນປີໃໝ່ທີ່ມີຄວາມໝາຍອັນໃຫຍ່ຫຼວງທີ່ຝາກເຖິງປະຊາຊົນ, ນັກຮົບຢູ່ເມືອງເກາະເຈື່ອງຊາ, ສະແດງໃຫ້ເຫັນຈິດໃຈຄວາມຮັກແພງອັນອົບອຸ່ນ ແລະ ຄວາມໄວ້ເນື້ອເຊື່ອໃຈຂອງພັກ, ລັດ ແລະ ປະຊາຊົນໃນເຂດດິນຕໍ່ແຜ່ນທີ່ມີຕໍ່ນັກຮົບ ແລະ ປະຊາຊົນເມືອງເກາະເຈື່ອງຊາ ທີ່ຮັກແພງ.”
ຜ່ານລາຍການນີ້, ມີຈຳນວນເງິນ 300 ລ້ານດົງ ພ້ອມກັບຂອງຂວັນທີ່ມີຄວາມໝາຍໄດ້ຝາກເຖິງນັກຮົບ ແລະ ປະຊາຊົນເມືອງເກາະເຈື່ອງຊາ.