(ລາຍການແຟຊັນ“ເຮົາງາມ-ເພື່ອນກໍ່ງາມ
“ຄົ້ນຫາຄວາມງາມຂອງແມ່ຍິງພິການ)
(vovworld) - ເປັນຄັ້ງທຳອິດຢູ່ຄຸ້ມເມືອງເກົ່າ ໂຫ້ຍອານ, ແຂວງກວາງງາມ ດຳເນີນລາຍການສະແດງແຟຊັນສຳລັບແມ່ຍິງພິການ. ດ້ວຍຫົວຂໍ້ວ່າ “ເຮົາງາມ-ເພື່ອນກໍ່ງາມ“. ລາຍການດຳເນີນໃນຕອນບ່າຍວັນທີ 16/4 ເພື່ອແນໃສ່ເຊີດຊູຄວາມງາມ, ຄຸນຄ່າທີ່ແຕກຕ່າງກັນຂອງຄົນພິການ, ຊ່ວຍໃຫ້ເຂົາເຈົ້າມີຄວາມເຊື່ອໝັ້ນແລະ ຮັກຕົນເອງກວ່າ. ມີແມ່ຍິງພິການເກືອບ 30 ຄົນໃນທົ່ວປະເທດ ໄດ້ສະແດງແຟຊັນຂອງນັກອອກແບບ 2 ຄົນ, ນັ້ນແມ່ນ Diego, ຊາວ ແອດສະປາຍ ແລະ ນັກອອກແບບ ຈິ້ງວິ້ງອວຽນ, ຊາວນະຄອນ ໂກ້ຍອານ. ທ່ານ Borrowman ເອກອັກຄະລັດຖະທູດ ອົດສະຕາລີປະຈຳ ຫວຽດນາມ, ນັກອຸປະຖຳຕົ້ນຕໍໃຫ້ລາຍການ, ໃຫ້ຮູ້ວ່າ:
“ຜູ້ໃດກໍ່ມີຄວາມສາມາດບົ່ມຊ້ອນທີ່ຈຳເປັນຕ້ອງໄດ້ຮັບການພັດທະນາ. ຂ້າພະເຈົ້າເຊື່ອໝັ້ນວ່າ, ມີແມ່ຍິງພິການຫຼາຍຄົນຕ້ອງການໄດ້ຮັບການໜູນຊ່ວຍພິເສດຫຼາຍກວ່າຜູ້ອື່ນ. ພວກຂ້າພະເຈົ້າປະຕິບັດລາຍການນີ້ບໍ່ພຽງແຕ່ຢູ່ ອົດສະຕາລີເທົ່ານັ້ນ, ຫາກຍັງຢູ່ຫຼາຍປະເທດທີ່ພວມພັດທະນາອີກດ້ວຍ, ໃນນັ້ນມີ ຫວຽດນາມ“.
ລາຍການນີ້ແມ່ນໜຶ່ງໃນບັນດາການເຄື່ອນໄຫວຕອບສະໜອງວັນຄົນພິການຫວຽດນາມ (18/4) ປີນີ້.