(vovworld) – ຕອນຄ່ຳວັນທີ 28/4, ຢູ່ເທດສະບານເມືອງທ່ອງທ່ຽວ ຊາປາ ແຂວງ ລາວກາຍ ໄດ້ດຳເນີນພິທີໄຂງານບຸນຊາປາ ປີ 2012. ນັກທ່ອງທ່ຽວທັງພາຍໃນ ແລະ ຕ່າງປະເທດ ພ້ອມກັບປະຊາຊົນທ້ອງຖີ່ນນັບພັນຄົນ ໄດ້ເຂົ້າຮ່ວມ ດ້ວຍບັນດາລາຍການສະແດງສິລະປະທີ່ເຂັ້ມຂົ້ນໄປດ້ວຍລັກສະນະຊົນເຜົ່າເຂດພູສູງ. ງານບຸນຊາປາ ແມ່ນການເຄື່ອນໄຫວນອນໃນໂຄງການຮ່ວມມືພັດທະນາ “ການທ່ອງທ່ຽວອວາຍເມືອຫາກົກເຂົ້າເຫງົ້າກໍ” ລະຫວ່າງ 3 ແຂວງ ລາວກາຍ - ອຽນບ໋າຍ - ຟູ໋ທໍ້. ທ່ານ Le Duc Luan, ປະທານຄະນະກຳມະການປະຊາຊົນເມືອງຊາປາ ໃຫ້ຮູ້ວ່າ:
“ພວກຂ້າພະເຈົ້າພວມມຸ້ງໄປເຖິງການຂຸດຄົ້ນບັນດາຄຸນຄ່າວັດທະນະທຫຼາຍກ່ວາອີກ ເພື່ອຮັບໃຊ້ໃຫ້ແກ່ການທ່ອງທ່ຽວ. ປະຈຸບັນ, ຢູ່ຊາປາ, ໄດ້ພັດທະນາການທ່ອງທ່ຽວເຂດຊຸມຊົນຢູ່ບ້ານຕ່າງໆ. ໃນໂອກາດບຸນປີໃໝ່ປະຈຳຊາດຜ່ານມາ, ເມືອງຊາປາ ໄດ້ຈັດຕັ້ງ 7 ງານບຸນຢູ່ບ້ານຕ່າງໆ ແລະ ເປັນຄັ້ງທຳອິດພວກຂ້າພະເຈົ້າໄດ້ຈັດຕັ້ງການແຂ່ງຂັນພ້ອນແຄນພວກຂ້າພະເຈົ້າຈະສືບຕໍ່ຮັກສາ ແລະ ເປີດກ້ວາງການເຄື່ອນໄຫວນີ້ຫຼາຍກ່ວາອີກ ເພື່ອໃຫ້ມັນນຳມາເຊິ່ງຈຸດວັດທະນະທຳທີ່ເປັນເອກະລັກສະເພາະກ່ວາ ແລະ ໃໝ່ອ່ຽມກ່ວາໃນການເຄື່ອນໄຫວຂອງບັນດາລາຍການ”
ງານບຸນຊາປາ 2012 ຈະດຳເນີນໄປໃນວັນທີ 27/4 ຫາ 4/5. ໃນໄລຍະດຳເນີນງານບຸນ, ແຂກທ່ອງທ່ຽວຈະມີໂອກາດເຫັນປະຈັກຕາ ຄ່ຳຄືນຕະຫຼາດແຫ່ງຄວາມຮັກຊາປາ ແລະ ຈະໄດ້ລົງໄປບັນດາຕາແສງ ຕາຟິ່ນ, ຊາຜາ, ບ້ານໂຮ່... ເພື່ອເຂົ້າຮ່ວມລາຍການ “ເປັນຊາວກະສິກອນວັນໜຶ່ງ”, “ງານບຸນປະດັບຍົດຂອງຊາວເຜົ່າ ຢ້າວແດງ”.