ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນຖ້ຽນເຍີນ ເຂົ້າຮ່ວມພິທີໄຂສົກຮຽນໃໝ່ຢູ່ວິທະຍາຄານປ້ອງກັນອາກາດ - ກອງທັບອາກາດ |
(vovworld)- ຕອນເຊົ້າວັນທີ 14/9, ຢູ່ເທດສະບານເຊີນໄຕ, ຮ່າໂນ້ຍ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນຖ້ຽນເຍີນ ໄດ້ເຂົ້າຮ່ວມພິທີໄຂສົກຮຽນໃໝ່ຢູ່ວິທະຍາຄານປ້ອງກັນອາກາດ - ກອງທັບອາກາດທີ່ຂຶ້ນກັບເຫຼົ່າທັບປ້ອງກັນອາກາດ - ກອງທັບອາກາດ. ທີ່ພິທີ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນຖ້ຽນເຍີນຖືວ່າ ວິທະຍາຄານປ້ອງກັນອາກາດ - ກອງທັບອາກາດຄວນສືບຕໍ່ປ່ຽນໃໝ່ໂດຍພື້ນຖານ, ສ້າງການຫັນປ່ຽນຢ່າງໝັ້ນຄົງໜັກແໜ້ນທາງດ້ານຄຸນນະພາບ, ປະສິດທິຜົນການສຶກສາ-ບຳລຸງສ້າງ ແລະ ຄົ້ນຄ້ວາວິທະຍາສາດ. ວິທະຍາຄານປ້ອງກັນອາກາດ - ກອງທັບອາກາດຕ້ອງກໍ່ສ້າງ, ບຳລຸງໃຫ້ຖັນແຖວພະນັກງານ, ນາຍທະຫານ ປ້ອງກັນອາກາດ - ກອງທັບອາກາດໃຫ້ມີຄຸນນະທາດການເມືອງຢ່າງໝັ້ນຄົງ, ມີຈີນຕະນາການຢ່າງມີຫົວຄິດປະດິດສ້າງ, ມີລະດັບຄວາມຮູ້, ວິຊາສະເພາະ, ມີນ້ຳໃຈສາມັກຄີ, ສືບຕໍ່ປະກອບສ່ວນເຂົ້າໃນພາລະກິດສ້າງສາ ແລະ ປົກປັກຮັກສາປະເທດຊາດ.