ທ່ານ ເລຮ່ວາຍຈຸງ ຮອງລັດຖະມົນຕີກະຊວງການຕ່າງປະເທດຫວຽດນາມ
(vovworld) – ປະຫວັດສາດ, ວັດທະນະທຳ, ເສດຖະກິດ, ສັງຄົມ, ລະບົບການເມືອງ, ອົງປະກອບການຈັດຕັ້ງກົງຈັກລັດ ກໍ່ຄືແນວທາງ, ນະໂຍບາຍການຕ່າງປະເທດ, ຜົນງານປ່ຽນໃໝ່ ຂອງຫວຽດນາມ ເປັນຫົວຂໍ້ຫຼັກ ເຊິ່ງກະຊວງການຕ່າງປະເທດຫວຽດນາມ ໄດ້ແນະນຳ ໃນລາຍການ “ວັນຊອກຮູ້ຫວຽດນາມ” (Learning about Viet Nam Session), ດຳເນີນໃນຕອນເຊົ້າວັນທີ 2/6, ຢູ່ຮ່າໂນ້ຍ. ນີ້ແມ່ນລາຍການໂດຍ ກະຊວງການຕ່າງປະເທດຫວຽດນາມ ຈັດຂື້ນທຸກປີ ເພື່ອແນໃສ່ແບ່ງປັນ ແລະ ສະໜອງບັນດາຂໍ້ມູນທີ່ມີປະໂຫຍດ ກ່ຽວກັບຫວຽດນາມ ໃຫ້ຜູ້ຕາງໜ້າບັນດາ ຄະນະທູຕານຸທູດຕ່າງປະເທດ, ເອກອັກຄະລັດຖະທູດ, ອຸປະທູດ, ຫົວໜ້າຄະນະຜູ້ຕາງໜ້າ, ຫົວໜ້າຜູ້ຕາງໜ້າອົງການສາກົນ ປະຈຳຫວຽດນາມ.
ກ່າວຄວາມເຫັນນະທີ່ນີ້, ທ່ານ ເລຮ່ວາຍຈຸງ ຮອງລັດຖະມົນຕີກະຊວງການຕ່າງປະເທດຫວຽດນາມເນັ້ນໜັກວ່າ: ລາຍການ “ວັນຊອກຮູ້ຫວຽດນາມ” ບໍ່ພຽງແຕ່ຊ່ວຍໃຫ້ບັນດາເພື່ອນມິດສາກົນມີຄວາມຮູ້ຕື່ມອີກກ່ຽວກັບຫວຽດນາມ, ສືບຕໍ່ສະໜັບສະໜູນຫວຽດນາມ ໃນພາລະກິດສ້າງສາ, ປົກປັກຮັກສາ ແລະ ພັດທະນາປະເທດຊາດເທົ່ານັ້ນ, ຫາກຍັງຕອບສະໜອງຄວາມມຸ່ງມາດປາຖະໜາ ຂອງບັນດາຄະນະທູຕານຸທູດສາກົນອີກດ້ວຍ.