(vovworld) – ງານຕະຫຼາດນັດການຄ້າສາກົນ SAITEX ຄັ້ງທີ 22 ໄດ້ດຳເນີນໃນລະຫວ່າງວັນທີ 21-23/6 ຢູ່ນະຄອນ Johannesburg ຂອງອາບຟະຣິກາໃຕ້ ດ້ວຍການເຂົ້າຮ່ວມຂອງວິສາຫະກິດກວ່າ 1.000 ແຫ່ງທີ່ມາຈາດ 39 ປະເທດ, ໃນນັ້ນມີ ຫວຽດນາມ. ສະຫະສະມາຄົມບັນດາວິສາຫະກິດຂະໜາດນ້ອຍ ແລະ ກາງ ຮ່າໂນ້ຍ ໄດ້ເປີດຮ້ານວາງສະແດງ 3 ຮ້ານຢູ່ງານຕະຫຼາດນັດ SAITEX- ອາບຟະຣິກາໃຕ້ ປີ 2015 ເພື່ອແນະນຳຜະລິດຕະພັນຂອງວິສາຫະກິດ 20 ແຫ່ງ ທີ່ມີທ່າແຮງຂອງ ຮ່າໂນ້ຍ ແລະ ບາງທ້ອງຖິ່ນ. ບັນດາຮ້ານວາງສະແດງຂອງ ຫວຽດນາມ ໄດ້ດຶງດູດກ່ວາ 200 ນັກນຳເຂົ້າຢູ່ ອາບຟະຣິກາໃຕ້ ແລະ ບັນດາປະເທດໃນພາກພື້ນທີ່ມາຊອກຮູ້ ກ່ຽວກັບຄຸນນະພາບ, ລາຄາ, ບັນດາລະບຽບການສົ່ງອອກຂອງ ຫວຽດນາມ. ທ່ານ ເລຮຸຍຮ່ວາງ, ເອກອັກຄະລັດຖະທູດຫວຽດນາມ ປະຈຳ ອາບຟະຣິກາໃຕ້, ໃຫ້ຮູ້ວ່າ: ໃນໄລຍະຈະມາເຖິງ, ສະຖານທູດຫວຽດນາມ ຈະສືບຕໍ່ຮຽງບ່າຮຽງໄຫຼ່ພ້ອມກັບວິສາຫະກິດ ຫວຽດນາມ, ໜູນຊ່ວຍດ້ານຂໍ້ມູນຂ່າວສານ ກ່ຽວກັບຕະຫຼາດ, ຊ່ວຍເຊື່ອມຈອດກັບບັນດາວິສາຫະກິດ ອາບຟະຣິກາ…ບັນດາວິສາຫະກິດກໍຄວນສືບຕໍ່ຍົກສູງຄຸນນະພາບ ແລະ ຫັນຜະລິດຕະພັນເປັນຫຼາຍຮູບຫຼາຍແບບ, ຕັ້ງໜ້າຄົ້ນຄ້ວາຄວາມຕ້ອງການ ແລະ ຄວາມນິຍົມຂອງຕະຫຼາດ ອາບຟະຣິກາໃຕ້.