(vovworld)- ຕອນ​ເຊົ້າ​ວັນ​ທີ 26/5, ຢູ່ ນະ​ຄອນ ດາ​ຫນັງ, ກະ​ຊວງວັດ​ທະ​ນະ​ທຳ ກິ​ລາ ແລະ ທ່ອງ​ທ່ຽວ ຈັດ​ຕ​ັ້ງ​ພິ​ທີ​ປະ​ກາດ​ການ​ວາງ​ແຜນ​ກຳ​ນົດ​ສັງ​ລວມ​ພັດ​ທະ​ນາ​ການ​ທ່ອງ​ທ່ຽວ​ເຂດ​ແຄມ​ທະ​ເລ​ຕອນ​ໃຕ້​ພາກ​ກາງ​ຫວຽດ​ນາມ ຮອດ​ປີ 2020, ວິ​ໄສ​ທັດ​ຮອດ​ປີ 2030 ຊື່ງ​ໄດ້​ຮັບ​ການ​ອະ​ນຸ​ມັດ​ຈາກ​ນາ​ຍົກ​ລັດ​ຖະ​ມົນ​ຕີ.  ຕາມ​ການ​ວາງ​ແຜນ​ກຳ​ນົດ​ສັງ​ລວມ​ແລ້ວ, ເຂດ​ແຄມ​ທະ​ເລ​ຕອນ​ໃຕ້​ພາກ​ກາງ​ຫວຽດ​ນາມ​ ລວມ​ມີ 8 ແຂວງ, ນະ​ຄອນ ຈາກ​ ດາ​ຫນັງ​ຮອດ ບີງ​ທ້ວນ. ຈຸດ​ໝາຍ​ແມ່ນ​ເພື່ອ​ຂຸດ​ຄົ້ນ​ຄວາມ​ສາ​ມາດ​ບົ່ມ​ຊ​້ອນ, ທ່າ​ໄດ້​ປຽບ​ຂອງ​ເຂດ​ຢ່າງ​ສຸດ​ຂີດ ເພື່ອ​ພັດ​ທະ​ນາ​ການ​ທ່ອງ​ທ່ຽວ​ທະ​ເລ, ໝູ່​ເກາະ, ພັດ​ທະ​ນາ​ບັນ​ດາ​ຕົວ​ເມືອງ​ທ່ອງ​ທ່ຽວ​ທັນ​ສະ​ໄຫມ, ສະ​ຖານ​ທີ່​ທ່ອງ​ທ່ຽວ​ແຫ່ງ​ຊາດ ດ້ວຍ​ບັນ​ດາ​ຮາກ​ຖານບ​ໍ​ລິ​ການ​ຄຸນ​ນະ​ພາບ​ສູງ.  ຮອດ​ປີ 2020, ນຳ​ຂະ​ແຫນງ​ທ່ອງ​ທ່ຽວ​ກາຍ​ເປັນ​ຂະ​ແຫນງ​ເສດ​ຖະ​ກິດ​ສຳ​ຄັນ, ສູ້​ຊົນ​ຮອດ​ປີ 2030 ໃຫ້​ກາຍ​ເປັນ​ຂ​ະ​ແຫນງ​ເສດ​ຖະ​ກິດ​ປາຍ​ແຫລມ​ໃນ​ໂຄງ​ປະ​ກອບ​ເສດ​ຖະ​ກິດ​ຂອງ​ເຂດ​ແຄມ​ທະ​ເລຕອນ​ໃຕ້​ພາກ​ກາງ.