ວາງແຜນພັດທະນາເຂດ ເສດຖະກິດຈຸດສຸມທາງ ພາກກາງຫວຽດນາມ
ເຂດເສດຖະກິດຈຸດສຸມທາງພາກກາງຫວຽດນາມໄດ້ຮັບບຸລິມະສິດ
ອະນຸລັກຮັກສາ ແລະ ເສີມຂະຫຍາຍຄຸນຄ່າວັດທະນະທຳ
(ພາບ: http://baodientu.chinhphu.vn)
(vovworld)- ທ່ານນາຍົກລັດຖະມົນຕີຫາກໍເຊັນອະນຸມັດການວາງແຜນສັງລວມພັດ ທະນາວັດທະນະທຳ, ຄອບຄົວ, ກິລາກາຍະກຳ ແລະ ທ່ອງທ່ຽວເຂດເສດຖະກິດຈຸດສຸມທາງພາກກາງຫວຽດນາມ (ເຂດ) ຮອດປີ 2020, ວິໄສທັດຮອດປີ 2030. ຕາມນັ້ນແລ້ວ, 5 ແຂວງນະຄອນຂຶ້ນກັບສູນກາງຈະພັດທະນາວັດທະນະທຳຕາມທິດຮອບດ້ານ, ກ້າວໜ້າ, ເຂັ້ມຂົ້ນໄປດ້ວຍສີສັນຊາດ; ພັດທະນາກິລາກະຍະກຳມະຫາຊົນເລິກເຊິ່ງ ກ້ວາງຂວາງ, ເອົາໃຈໃສ່ເປັນພິເສດເຂດຊົນເຜົ່າສ່ວນໜ້ອຍ; ພັດທະນາການທ່ອງ ທ່ຽວຕາມທິດອາຊີບ, ທັນສະໄໝ, ສ້າງບັນດາຜະລິດຕະພັນທ່ອງທ່ຽວເຂດໝູ່ເກາະທະເລ ແລະ ທ່ອງທ່ຽວມໍລະດົກ. ໃນນັ້ນນະຄອນດ່ານັງ ແລະ ນະຄອນເຫ້ວ ຈະໄດ້ຮັບການພັດທະນາກາຍເປັນສູນວັດທະນະທຳ, ສິລະປະ, ຄົ້ນຄ້ວາວິທະຍາສາດ ແລະ ບຳລຸງສ້າງຊັບພະຍາກອນມະນຸດວັດທະນະທຳສິລະປະ ແລະ ຄອບຄົວໃຫ້ແກ່ເຂດ ພາກກາງ ແລະ ໄຕງວຽນ. ກ່ຽວກັບການທ່ອງທ່ຽວ, ພັດທະນາເຂດເສດຖະກິດຈຸດສຸມທາງພາກກາງ ກາຍເປັນສູນທ່ອງທ່ຽວໃຫ່ຍຂອງທົ່ວປະເທດ, ມີຜະລິດຕະພັນທ່ອງທ່ຽວທີ່ເປັນເອກະລັກສະເພາະ, ມີລະດັບແກ້ງແຍ່ງສູງ, ນອກຈາກນັ້ນ, ເຂດຈະສຸມໃສ່ພັດທະນາກຸ່ມຜະລິດຕະພັນທ່ອງທ່ຽວທີ່ເປັນເອກະລັກສະເພາະຄື: ທ່ອງທ່ຽວມໍລະ ດົກ, ທ່ອງທ່ຽວເຂດທະເລໝູ່ເກາະ, ໃນນັ້ນບຸລິມະສິດພັດທະນາຜະລິດຕະພັນທ່ອງທ່ຽວຕົວເມືອງຕິດພັນກັບເຫດການ, ງານບຸນ, ທ່ອງທ່ຽວວັດທະນະທຳປະຫວັດສາດ, ທ່ອງທ່ຽວຈິດວີນຍານ, ທ່ອງທ່ຽວຊີວະພາບທະເລ…./.