ທ່ານນາຍົກລັດຖະມົນຕີ ຫງວຽນເຕີນຢຸງເຮັດວຽກກັບການນຳ
ແຂວງ ດັກລັກ
ພາບ:baomoi.com
|
(vovworld) – ຕອນເຊົ້າວັນທີ 9/2, ທີ່ນະຄອນບວນມາທວດ, ທ່ານນາຍົກລັດຖະມົນຕີ ຫງວຽນເຕີນຢຸງ ພ້ອມກັບຄະນະປະຕິບັດງານລັດຖະບານ ໄດ້ມີການເຮັດວຽກກັບການນຳແຂວງດັກລັກ ກ່ຽວກັບສະພາບການປະຕິບັດໜ້າທີ່ພັດທະນາເສດຖະກິດ-ສັງຄົມຂອງທ້ອງຖິ່ນ. ນະທີ່ນີ້, ທ່ານນາຍົກລັດຖະມົນຕີ ຫງວຽນເຕີນຢຸງ ຮຽກຮ້ອງໃຫ້ທົ່ວລະບົບການເມືອງ, ທຸກຂັ້ນ, ບັນດາຂະແໜງການຢູ່ດັກລັກ ຮ່ວມແຮງຮ່ວມໃຈພ້ອມກັບຄວາມມານະພະຍາຍາມປະຕິບັດໃຫ້ໄດ້ ແລະ ລື່ນກາຍບັນດາຄາດໝາຍ, ໜ້າທີ່ພັດທະນາເສດຖະກິດ-ສັງຄົມ ເຊິ່ງອົງຄະນະພັກແຂວງໄດ້ວາງອອກໃນປີນີ້ຢ່າງສູງສຸດ ຕິດພັນກັບການຈັດຕັ້ງກອງປະຊຸມໃຫຍ່ອົງຄະນະພັກທຸກຂັ້ນສຳເລັດຜົນ. ທ່ານນາຍົກລັດຖະມົນຕີ ສະເໜີໃຫ້ການນຳແຂວງດັກລັກ ສືບຕໍ່ຄົ້ນຄ້ວາ, ແລະ ມີຫົວຄິດປະດິດສ້າງ ເພື່ອແນໃສ່ຂຸດຄົ້ນເສີມຂະຫຍາຍຄວາມສາມາດບົ່ມຊ້ອນ, ທ່າໄດ້ປຽບ ເພື່ອພັດທະ ນາເສດຖະກິດ, ພິເສດແມ່ນທ່າໄດ້ປຽບກ່ຽວກັບທີ່ດິນ, ຊັບພະຍາກອນມະນຸດ ແລະ ບັນດາຜະລິດຕະພັນທີ່ມີທ່າໄດ້ປຽບຄື: ກາເຟ, ຢາງພາລາ… ແຂວງດັກລັກ ກໍ່ຄວນສຸມໃສ່ຍູ້ແຮງໂຄງການກໍ່ສ້າງຊົນນະບົດໃໝ່ ແລະ ສຸມໃສ່ຫລຸດຜ່ອນອັດຕາສ່ວນຄອບຄົວທຸກຍາກຕິດພັນກັບທີ່ດິນ, ປ່າໂດຍໄວ, ພິເສດແມ່ນໃນເຂດປະຊາຊົນບັນດາເຜົ່າສ່ວນໜ້ອຍ. ທ່ານນາຍົກລັດຖະມົນຕີ ກໍ່ໃສ່ໃຈແຂວງດັກລັກວ່າ: ແຂວງດັກລັກ ຄວນເອົາໃຈໃສ່ເປັນພິເສດເຖິງວຽກງານກໍ່ສ້າງພັກ, ກໍ່ສ້າງລະບົບການເມືອງໃຫ້ໝັ້ນຄົງ, ເຂັ້ມແຂງຈາກຮາກຖານ, ສ້າງແຫຼ່ງ ພະນັກງານໃຫ້ທຸກຂັ້ນ, ພິເສດແມ່ນຢູ່ບັນດາຕາແສງ, ເມືອງ.
(Lien) ຮອ