ສຳນັກຂ່າວສານສູນກາງສປປ.ເກົາຫຼີ (KCNA) ໄດ້ຄັດສະເໜີຖະແຫຼງການຂອງຄະນະກຳມການດັ່ງກ່າວໂດຍຖືວ່າ, ການຊ້ອມຮົບອາເມລິກາ - ຍີ່ປຸ່ນ “ເພື່ອແນໃສ່ທຳລາຍບັນຍາກາດປັບປຸງການພົວພັນລະຫວ່າງສປປ.ເກົາຫຼີ ແລະ ສ.ເກົາຫຼີ ໃນແຫຼມເກົາຫຼີ ເຊິ່ງບັນດາຝ່າຍຈົ່ງມານະພະຍາຍາມຈຶ່ງສາມາດສ້າງໄດ້”. ຄະນະກຳມະການດັ່ງກ່າວເນັ້ນໜັກວ່າ, ການຊ້ອມຮົບດັ່ງກ່າວມີລັກສະນະກະຫາຍສົງຄາມ ແລະ ເປັນອັນຕະລາຍກວ່າເມື່ອຂອບຂະໜາດໄດ້ຮັບການເປີດກວ້າງຍິ່ງກວ່າເວລາໃດໝົດ.

        ຕາມແຜນການ, ຄາດຄະເນວ່າ ກຳລັງປ້ອງກັນຝັ່ງທະເລຍີ່ປຸ່ນ ແລະ ທະຫານເຮືອອາເມລິກາ ຈະດຳເນີນການຊ້ອມຮົບຮ່ວມປະຈຳປີທີ່ແກ່ຍາວໃນອາທິດໜຶ່ງ ນັບແຕ່ວັນທີ 23 ກຸມພາ, ໂດຍມີການເຂົ້າຮ່ວມຂອງບັນດາກຳລັງທັບອາກາດອາເມລິກາ ແລະ ຍີ່ປຸ່ນ, ກໍຄືກຳລັງທະຫານເຮືອສູ້ຮົບທາງບົກຂອງອາເມລິກາ.