ສະຖານທູດຫວຽດນາມປະຈຳອາເມລິກາເພີ່ມທະວີວຽກງານປົກປ້ອງພົນລະເມືອງຕໍ່ໜ້າໂລກລະບາດ Covid – 19
(VOVWORLD) -ອາເມລິກາແມ່ນປະເທດທີ່ມີປະຊາຄົມຊາວຫວຽດນາມອາໄສຢູ່ຫຼາຍກວ່າໝູ່ໃນໂລກ. ໃນໄລຍະທີ່ຜ່ານມາ, ສະພາບການແຜ່ລາມອອກສູ່ວົງກ້ວາງຂອງໂລກລະບາດ Covid – 19 ໄດ້ກໍ່ຜົນສະທ້ອນເຖິງດ້ານຈິດຕະຂອງ ຊາວຫວຽດນາມແລະນັກສຶກສາຫວຽດນາມ ຈຳນວນໜຶ່ງຢູ່ອາເມລິກາ.
 ທ່ານຮ່າກິມງອັກເອກອັກຄະລັດຖະທູດຫວຽດນາມປະຈຳອາເມລິກາ |
ສະຖານທູດຫວຽດນາມແລະ ສະຖານກົງສູນຫວຽດນາມບາງແຫ່ງໄດ້ເປັນເຈົ້າການຜັນຂະຫຍາຍວຽກງານປົກປ້ອງ,ໜູນຊ່ວຍປະຊາຄົມຜ່ານຜ່າໄລຍະຫຍຸ້ງຍາກນີ້. ທ່ານຮ່າກິມງອັກເອກອັກຄະລັດຖະທູດຫວຽດນາມປະຈຳອາເມລິກາໃຫ້ຮູ້ວ່າ:
ໃນໄລຍະຈະມາເຖິງ, ມີພົນລະເມືອງຫວຽດນາມ ຫຼາຍພໍສົມຄວນ, ສ່ວນຫຼາຍແມ່ນນັກສຶກສາຫວຽດນາມທີ່ຮຽນຢູ່ອາເມລິກາ, ໄດ້ມີການຕິດຕໍ່ ຫາສະຖານທູດຢ່າງລຽນຕິດເພື່ອສອບຖາມຂໍ້ມູນຂ່າວສານແລະວິທີການກັບຄືນເມືອຫວຽດນາມ. ເພື່ອເຮັດໃຫ້ສະພາບການເປັນປົກກະຕິ, ສະຖານທູດໄດ້ສົມທົບກັບບັນດາສະຖານກົງສູນໃຫຍ່ຫວຽດນາມປະຈຳHouston ແລະSan Francisco ແລະຄະນະປະຕິບັດງານຫວຽດນາມປະຈຳNew Yorkຜັນຂະຫຍາຍການລະດົມຈິດໃຈໃຫ້ນັກຮຽນ, ນັກສຶກສາຫວຽດນາມມີຄວາມທຸ່ນທ່ຽງ, ອຸ່ນອ່ຽນໃຈຢູ່ອາເມລິກາ, ເພື່ອຫຼີກລ້ຽງຄວາມສ່ຽງຕິດແປດເມື່ອເດີນທາງໄປມາແລະຫຼີກລ້ຽງກໍລະນີ ມີຜູ້ຕິດເຊື້ອພະຍາດ Covid – 19ຫຼາຍເກີນໄປ.
ສະຖານທູດຫວຽດນາມກໍ່ອັບເດດບັນດາຂໍ້ກຳນົດໃໝ່,ນະໂຍບາຍໃໝ່ຂອງຫວຽດນາມແລະຂອງອາເມລິກາທີ່ກ່ຽວຂ້ອງເຖິງໂລກລະບາດ Covid – 19ເປັນປະຈຳ, ແນະນຳບັນດາມາດຕະການປ້ອງກັນ, ສະກັດກັ້ນໂລກລະບາດ Covid – 19.