ສະພາຕ່ຳ ຟີລິບປິນ ຮັບຮອງເອົາມະຕິ ວ່າດ້ວຍການຊຸກຍູ້ການພົວພັນກັບ ຫວຽດນາມ
(VOVWORLD) - ສະພາຕ່ຳ ຟິລິບປີນໄດ້ຮັບຮອງເອົາມະຕິວ່າດ້ວຍການຊຸກຍູ້ການພົວພັນກັບຫວຽດນາມ ໃນວາລະກອງປະຊຸມຄົບຄະນະ ທີ່ຈັດຂຶ້ນໃນຕອນຄ່ຳວັນທີ 21 ພະຈິກ, ກ່ອນທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ຢ້ຽມຢາມສາທານະລະລັດ ຟີລິບປິນ ຢ່າງເປັນທາງການ ໃນວັນທີ 23 ພະຈິກ.
 ກອງປະຊຸມໜຶ່ງຢູ່ສະພາຕ່ຳ (ພາບ: congress.gov.ph) |
ມະຕິໄດ້ລະບຸຢ່າງຈະແຈ້ງໃນ 10 ສະມາຊິກລັດຖະສະພາ ຂອງກອງປະຊຸມໃຫຍ່ສະມັດຊາໃຫຍ່ລັດຖະສະພາ ບັນດາປະເທດ ອາຊີຕາເວັນອອກສ່ຽງໃຕ້ (AIPA), ຟີລິບປິນ ແລະ ຫວຽດນາມ ໄດ້ສ້າງສາຍພົວພັນພິເສດຜ່ານຫຼາຍປີ, ພ້ອມກັນມຸ່ງໄປສູ່ສັນຕິພາບ ແລະ ປະສິດທິຜົນໃນການຮ່ວມມືພາກພື້ນ. ໂດຍເປັນສະມາຊິກ ຂອງ ອາຊຽນ, ຟີລິບປິນ ໄດ້ຕີລາຄາສູງຄວາມສຳຄັນຂອງການຮັກສາມິດຕະພາບ ກັບປະເທດສະມາຊິກທີ່ຂຶ້ນກັບ ອາຊຽນ, ພິເສດແມ່ນຕໍ່ກັບຫວຽດນາມ, ສະພາຕ່ຳ ຟີລິບປິນ ຕົກລົງສ້າງຕັ້ງກຸ່ມສະມາຊິກລັດຖະສະພາມິດຕະພາບ ຟິລິບປິນ - ຫວຽດນາມ ໄດ້ສະແດງໃຫ້ເຫັນເຖິ່ງການຕັດສິນໃຈເພີ່ມທະວີການຮ່ວມມືກັບຫວຽດນາມ.