(vovword)- ຕອນເຊົ້າວັນທີ 20/6, ສະພາແຫ່ງຊາດໄດ້ປຶກສາຫາລືຢູ່ຫໍປະຊຸມກ່ຽວກັບຮ່າງກົດໝາຍສະບັບປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍໄຟຟ້າ. ຄຳເຫັນສ່ວນຫລາຍແມ່ນເຫັນພີເຫັນພ້ອມຕໍ່ບັນຫາຮັກສາການວາງແຜນກຳນົດພັດທະນາໄຟຟ້າແຫ່ງຊາດ, ວາງແຜນກຳນົດການພັດທະນາໄຟຟ້າຢູ່ ແຂວງ, ນະຄອນທີ່ຂຶ້ນກັບສູນກາງ, ຍົກເລີກການວາງແຜນກຳນົດໄຟຟ້າຂັ້ນເມືອງ. ບາງຄຳເຫັນເນັ້ນຫນັກວ່າ: ປະຈຸບັນ ຍັງມີສິດຜູກຂາດ. ຢູ່ເຂດຫ່າງໄກສອກຫລີກ, ເຂດທະເລ ໝູ່ເກາະ ແລະ ເຂດຊາຍແດນ ບໍ່ທັນມີຕາຂ່າຍໄຟຟ້າແຫ່ງຊາດ, ສະນັ້ນ ລັດຖະບານ ແລະ ສູນກາງຄວນຫນູນຊ່ວຍບັນດາເຂດດັ່ງກ່າວ. ບາງຄຳເຫັນກໍສະເຫນີວ່າ: ສຳລັບບັນດາກິດຈະກຳ, ໂຄງການລົງທຶນໃຫມ່ຂອງຂະແຫນງໄຟຟ້າ ຕ້ອງເລືອກເຟັ້ນເຕັກໂນໂລຊີທີ່ກ້າວຫນ້າ ມີລະດັບນຳໃຊ້ໄຟຟ້າຕຳ່ ພ້ອມທັງປະລະບັນດາອຸປະກອນເຕັກໂນໂລຊີເກົ່າ ໃຊ້ພະລັງງານໄຟຟ້າຫລາຍ. ທ່ານນາງ Hoang Thi To Nga, ສະມາຊິກສະພາແຫ່ງຊາດ ແຂວງ Nam Dinh ມີຄຳເຫັນວ່າ:
“ຮ່າງກົດໝາຍຄວນເພີ່ມເຕີມສິດ ແລະ ພັນທະຂອງລູກຄ້າ, ຫົວຫນ່ວຍນຳໃຊ້ໄຟຟ້າໃຫ້ຈະແຈ້ງ ແລະ ມີມາດຕະການປັບໄຫມລົງໂທດຢ່າງຈະແຈ້ງ ເພື່ອຮັບປະກັນຜົນປະໂຫຍດລະຫວ່າງສອງຝ່າຍຢ່າງກົມກຽວ. ຂ້າພະເຈົ້າສະເຫນີ ຄວນລົງທຶນໃຫ້ແກ່ຂະແຫນງອຸດສາຫະກຳສຳຮອງ ໄຟຟ້າ, ກົນຈັກ ເພື່ອໃຫ້ອຸປະກອນໄຟຟ້າຜະລິດຢູ່ ພາຍໃນປະເທດ, ປະກອບສ່ວນສຳຄັນເຂົ້າໃນການຫລຸດຜ່ອນລາຍຈ່າຍລົງທຶນສົ້ນເຂົ້າ ແລະ ມູນຄ່າຂອງຜະລິດຕະພັນ.
ສະພາແຫ່ງຊາດປຶກສາຫາລືກ່ຽວກັບກົດໝາຍໄຟຟ້າ |
ສ່ວນທ່ານ Nguyen Thanh Phuong, ສະມາຊິກສະພາແຫ່ງຊາດ ນະຄອນ ເກີນເທີ ປະກອບຄຳເຫັນວ່າ:
“ຂ້າພະເຈົ້າສະເຫນີ ຕໍ່ລັດ ຄວນມີນະໂຍບາຍຕັ້ງຫນ້າກວ່າ, ວ່ອງໄວ ຫັນຄ່າໄຟຟ້າໄປສູ່ກົນໄກຕະຫລາດ, ຄວນເພີ່ມເຕີມບາງຂໍ້ກຳນົດນະໂຍບາຍຫນູນຊ່ວຍເປັນພິເສດສະເພາະໃຫ້ແກ່ສ່ວນບຸກຄົນ, ອົງການລົງທຶນຂຸດຄົ້ນແຫລ່ງພະລັງງານສ້າງໄຟຟ້າຄືນໃຫມ່.”
ຕອນບ່າຍວັນດຽວກັນ, ສະພາແຫ່ງຊາດດຳເນີນການລົງຄະແນນສຽງຮັບຮອງເອົາ ກົດໝາຍ 5 ສະບັບ ຄື: ກົດໝາຍວ່າດ້ວຍລາຄາ, ກົດໝາຍວ່າດ້ວຍກຳມະບານ ສະບັບປັບປຸງ, ກົດໝາຍວ່າດ້ວຍຊັນນະສູດ, ກົດໝາຍວ່າດ້ວຍການເຜີຍແຜ່, ສຶກສາກົດໝາຍ ແລະ ກົດໝາຍວ່າດ້ວຍການປັບໄໝການກະທຳຜິດທາງດ້ານບໍລິຫານ.