ສະພາແຫ່ງຊາດ ເຫັນດີເປີດກວ້າງເປົ້າໝາຍເຂົ້າຮ່ວມປະກັນສັງຄົມ
(ພາບປະກອບ)
(vovworld) – ປຶກສາຫາລືກ່ຽວກັບບາງເນື້ອໃນຂອງຮ່າງກົດໝາຍວ່າດ້ວຍປະກັນສັງຄົມ (ສະບັບປັບປຸງ), ໃນການປະຊຸມເມື່ອວັນທີ 23/10, ບັນດາສະມາຊິກສະພາແຫ່ງຊາດ ໄດ້ເຫັນດີກັບວິທີການເປີດກວ້າງເປົ້າໝາຍເຂົ້າຮ່ວມປະກັນສັງຄົມ ເຊິ່ງໄດ້ບັງຄັບສຳລັບຜູ້ມີວຽກເຮັດງານທຳແຕ່ 1 ເດືອນເຖິງຕ່ຳກວ່າ 3 ເດືອນ.
ບັນດາຄຳເຫັນຖືວ່າ, ການກຳນົດຄືແນວນັ້ນ ສາມາດສະກັດກັ້ນສະພາບການວິສາຫະກິດ, ຜູ້ນຳໃຊ້ແຮງງານໜີີຄ່າປະກັນສັງຄົມ, ດ້ວຍວິທີເຊັນສັນຍາກັບຄົນງານທີ່ຕໍ່າກວ່າ 3 ເດືອນຢ່າງລຽນຕິດ. ແຕ່ວ່າ, ເພື່ອຮັບປະກັນລັກສະນະເປັນໄປໄດ້ສຳລັບນະໂຍບາຍດັ່ງກ່າວ, ບັນດາອົງການຄຸ້ມຄອງລັດ, ອົງການຈັດຕັ້ງກຳມະບານ, ອົງການປະກັນສັງຄົມຫວຽດນາມ… ຕ້ອງຮູ້ແຮງວຽກງານໂຄສະນາ, ຂົນຂວາຍ, ເພີ່ມທະວີວຽກງານຄຸ້ມຄອງ ແລະ ມີມາດຕະການລະອຽດເພື່ອໜູນຊ່ວຍວິສາຫະກິດ ແລະ ຄົນງານປະຕິບັດຕາມຂໍ້ກຳນົດດັ່ງກ່າວ.
ທີ່ວາລະປຶກສາຫາລື, ຍັງມີບາງຄຳເຫັນສະແດງຄວາມເປັນຫ່ວງກ່ຽວກັບຂໍ້ກຳນົດດັ່ງກ່າວ. ເຖິງວ່າເຫັນດີກັບການເປີດກວ້າງເປົ້າໝາຍເຂົ້າຮ່ວມປະກັນສັງຄົມ ແລ້ວກໍ່ຕາມ, ແຕ່ບັນດາສະມາຊິກສະພາແຫ່ງຊາດຖືວ່າ ຕ້ອງຄິດໄລ່ເຖິງສະພາບຕົວຈິງ ເປັນຕົ້ນແມ່ນລາຍຮັບຂອງຄົນງານໃນໄລຍະເຊັນສັນຍາອອກແຮງງານແຕ່ 1 ເດືອນຫາຕໍ່າກວ່າ 3 ເດືອນ ບໍ່ສູງ, ສະນັ້ນ ຖ້າຫາກບັງຄັບໃຫ້ເຂົ້າຮ່ວມປະກັນສັງຄົມຈະສົ່ງຜົນສະທ້ອນເຖິງຊີວິດການເປັນຢູ່ຂອງເຂົ້າເຈົ້າ.