ທ່ານນາງປະທານສະພາແຫ່ງຊາດ ຫງວຽນທິກິມເງິນ ມອບຂອງຂວັນໃຫ້ບັນດາຜູ້ແທນ
|
(vovworld) – ຕອນເຊົ້າວັນທີ 22/4, ທີ່ສຳນັກງານສະພາແຫ່ງຊາດ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ມີການພົບປະທີ່ສະໜິດສະໜົມກັບຄະນະຕິດຕໍ່ພົວພັນມູນເຊື້ອນັກຮົບເກົ່າກອງພົນໃຫຍ່ 2 ເນື່ອງໃນໂອກາດສະເຫຼີມສະຫຼອງ 45 ປີແຫ່ງວັນປົດປ່ອຍແຂວງ ກວາງຈີ້. ກ່າວຄຳເຫັນທີ່ພິທີພົບປະ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ເນັ້ນໜັກວ່າ ໄລຍະຈະມາເຖິງ, ສະພາແຫ່ງຊາດຈະສືບຕໍ່ຄົ້ນຄ້ວາ, ປັບປຸງບັນດານະໂຍບາຍໃຫ້ຜູ້ມີຄຸນງາມຄວາມດີເພື່ອເໝາະສົມກັບສະພາບການຕົວຈິງ. ທ່ານນາງປະທານສະພາແຫ່ງຊາດ ຫງວຽນທິກິມເງິນ ຢັ້ງຢືນວ່າ:
“ຫວຽດນາມ ໄດ້ປະກາດໃຊ້ບັນດາລັດຖະບັນຍັດບຸລິມະສິດຕໍ່ຜູ້ມີຄຸນງາມຄວາມດີ, ເຊີດຊູບັນດາແມ່ ຫວຽດນາມ ວິລະຊົນ ແລະ ມີຫຼາຍຂໍ້ກຳນົດກ່ຽວກັບການຕອບບຸນແທນຄຸນອື່ນໆອີກ. ໄລຍະຈະມາເຖິງ, ປະຊາຊົນ, ປະຊາຄົມວິສາຫະກິດ, ທົ່ວສັງຄົມ, ນອກຈາກບັນດານະໂຍບາຍທີ່ໄດ້ຮ່ວມແຮງຮ່ວມໃຈເພື່ອຫັນວຽກງານຕອບບຸນແທນຄຸນເປັນສັງຄົມແລ້ວ, ນີ້ແມ່ນການເຄື່ອນໄຫວຕາມຫຼັກສິນທຳກິນເຂົ້າຄິດຮອດຄຸນນາ, ກິນປາຄິດຮອດຄຸນນ້ຳ ດີງາມທີ່ສຸດ.”