ທ່ານນາງ ຫງວຽນທິກິມເງິນ ພົບປະກັບຜູ້ມີສິດເລືອກຕັ້ງນະຄອນ ເກີນເທີ
(vovworld) – ບັນດາບັນຫາທະເລຕາເວັນອອກ, ການເຄື່ອນໄຫວຕິດຕາມກວດກາ ແລະ ການປະຕິບັດພາລະໜ້າທີ່ຂອງສະພາແຫ່ງຊາດ, ບັນຫາຮຽບຮຽງຂອງບັນດາມາດຕາຂອງກົດໝາຍ, ປະມວນກົດໝາຍແມ່ນບັນດາເນື້ອໃນເຊິ່ງຜູ້ມີສິດເລືອກຕັ້ງເມືອງ ນີງກ່ຽວ, ນະຄອນ ເກີນເທີ ໄດ້ເຕື້ອງເຖິງໃນການພົບປະກັບຜູ້ມີສິດເລືອກຕັ້ງຂອງທ່ານນາງປະທານສະພາແຫ່ງຊາດ ຫງວຽນທິກິມເງິນ ພ້ອມກັບຄະນະຜູ້ແທນສະພາຊິກສະພາແຫ່ງຊາດຫົວໜ່ວຍ ເກີນເທີ ໄດ້ຈັດຕັ້ໃນຕອນບ່າຍວັນທີ 4/8. ບັນດາຜູ້ມີສິດເລືອກຕັ້ງຖືວ່າ, ໄລຍະຜ່ານມາ, ສະພາແຫ່ງຊາດໄດ້ປະຕິບັດພາລະໜ້າທີ່ຂອງຕົນເປັນຢ່າງດີ ແລະ ໃນໄລຍະຈະມາເຖິງ, ສະພາແຫ່ງຊາດຕ້ອງສະແດງສິດອຳນາດຂອງຕົນໃນວຽກງານຕິດຕາມກວດກາບັນດາບັນຫາກ່ຽວຂ້ອງເຖິງຊີວິດສັງຄົມ ແລະ ປະຊາຊົນ. ໂດຍຮັບຮູ້ບັນດາຄຳເຫັນປະກອບຂອງຜູ້ມີສິດເລືອກຕັ້ງ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໃຫ້ຮູ້ວ່າ: ສານຂອງສະພາແຫ່ງຊາດຊຸດທີ 14 ແມ່ນມານະພະຍາຍາມປະຕິບັດສຳເລັດພາລະໜ້າທີ່ພື້ນຖານຂອງລັດກ່ຽວກັບການສ້າງກົດໝາຍໃຫ້ມີຄຸນນະພາບກ່ວາ, ສະພາແຫ່ງຊາດຈະສ້າງກົດໝາຍໃຫ້ມີຄຸນນະພາບກະຈ່າງແຈ້ງກ່ວາ, ຫລຸດຜ່ອນບັນດາເອກະສານນິຕິກຳ ແລະ ກົດໝາຍຕ້ອງມີລັກສະນະເປັນໄປໄດ້, ເປັນປົກກະຕິກ່ວາເພື່ອສ້າງກອບກົດໝາຍສ້າງຄວາມສະຖຽນລະພາບທາງສັງຄົມ. ທ່ານນາງປະທານສະພາແຫ່ງຊາດ ກໍ່ໃຫ້ຮູ້ວ່າ: ສະພາແຫ່ງຊາດຈະປະຕິບັດການເຄື່ອນໄຫວຕິດຕາມກວດກາບັນດາການເຄື່ອນໄຫວຂອງລັດຢ່າງສູງສຸດ ແລະ ເລືອກເຟັ້ນບັນດາບັນຫາທີ່ຜູ້ມີສິດເລືອກຕັ້ງມີຄວາມສົນໃຈເພື່ອຕິດຕາມກວດກາ ແລະ ຜູກມັດຄວາມຮັບຜິດຊອບຂອງບຸກຄົນ.