ທ່ານ Nguyen Lam Thanh

ສະມາຊິກສະພາ​ແຫ່ງ​ຊາດແຂວງ Lang Son

                                                     (ພາບ:cema.gov.vn)

(vovworld) - ສືບ​ຕໍ່​ໂຄງການ​ດຳ​ເນີນ​ງານ​ຂອງ​ກອງ​ປະຊຸມ​ສະ​ໄຫມ​ສາມັນ​ເທື່ອ​ທີ 4 ສະພາ​ແຫ່ງ​ຊາດ ຫວຽດນາມ ຊຸດ​ທີ 13, ຕອນ​ບ່າຍ​ວັນ​ທີ 5/11, ບັນດາ​ສະມາຊິກ​ສະພາ​ແຫ່ງ​ຊາດ ​ໄດ້​ປຶກສາ​ຫາລື​ຢູ່​ຕາມ​ຫນ່ວຍ​ກ່ຽວ​ກັບ​ຮ່າງ​ກົດໝາຍ​ວ່າ​ດ້ວຍ​ການ​ປັບປຸງ, ​ເພີ່ມ​ເຕີມ​ບາງ​ຂໍ້​ມາດຕາ​ຂອງ​ກົດໝາຍ​ວ່າ​ດ້ວຍ​ອາກອນ​ລາຍ​ຮັບ​ສ່ວນ​ບຸກຄົນ; ຮ່າງ​ກົດໝາຍ​ດວ່າ​ດ້ວຍ​ການ​ປອງ​ດອງ​ຂັ້ນ​ຮາກ​ຖານ. ກ່ອນ​ຫນ້າ​ນັ້ນ, ຕອນ​ເຊົ້າ​ວັນ​ດຽວ​ກັນ, ບັນດາ​ສະມາຊິກສະພາ​ແຫ່ງ​ຊາດ​ໄດ້​ປຶກສາ​ຫາລື​​ກ່ຽວ​ກັບຮ່າງກົດໝາຍ​ວ່າ​ດ້ວຍ​ນະຄອນຫຼວງ. ຮ່າງກົດໝາຍ​ວ່າ​ດ້ວຍ​ນະຄອນຫຼວງ​ແມ່ນ​ໜຶ່ງ​ບັນດາຮ່າງ​ກົດໝາຍ​ສຳຄັນ​ຈະຍື່ນ​ສະ​ເໜີ​ຕໍ່​ສະພາ​ແຫ່ງ​ຊາດ​ເພື່ອ​ຮັບຮອງ​ເອົາ. ຈຸດ​​ໃໝ່​ໃນຮ່າງກົດໝາຍ​ວ່າ​ດ້ວຍ​ນະຄອນຫຼວງຄັ້ງນີ້​ແມ່ນ​ໄດ້​ເພີ່ມ​ເຕີມ​ການ​ ກຳນົດ 16 ນະ​ໂຍບາຍ, ກົນ​ໄກ​ພິ​ເສດ​ເພື່ອ​ສ້າງ​ພື້ນຖານ​ດ້ານກົດໝາຍ​ໃຫ້​ນະຄອນຫຼວງພັດທະນາ​ຖືກຕ້ອງ ​ຕາມ​ຂອບ​ຂະໜາດ​​ໃນອະນາຄົດ. ກ່ຽວ​ກັບ​ບັນຫາ​ນີ້,​ທ່ານ Nguyen Lam Thanh ​ສະມາຊິກສະພາ​ແຫ່ງ​ຊາດແຂວງ Lang Son ປະກອບ​ຄຳ​ເຫັນ​ວ່າ:

   “ນະຄອນຫຼວງ​ແມ່ນ​ຕົວ​ເມືອງ​ພິ​ເສດ, ຕ້ອງ​ມີ​ນະ​ໂຍບາຍ​ກົນ​ໄກ, ຄຸ້ມ​ຄອງ​ປັບປຸງ​ສະ​ເພາະ​ເພື່ອ​ບັນລຸ​ໄດ້​ບັນດາ​ຈຸດໝາຍ​ຕາມ​ພາລະ​ໜ້າ​ທີ່​ ທີ່​ມີ​ມາ​ແລ້ວຂອງ​ນະ​ຄອນ​ຫຼວງ. ຕໍ່ໜ້າ​ຄວາມ​ຮຽກຮ້ອງ​ຕ້ອງການ​ກ່ຽວ​ກັບ​ການ​ພັດທະນາ​ຂອງ​ນະຄອນຫຼວງ ​ແລະ ຄວາມ​ຮຽກຮ້ອງ​ຕ້ອງການສະ​ເພາະ​ຂອງ​ນະຄອນຫຼວງ, ຕ້ອງ​ມີ​ກົນ​ໄກ, ນະ​ໂຍບາຍ​ການ​ເງິນ​ຢ່າງ​ແຮງ ​ແລະ ຂ້າພະ​ເຈົ້າສະໜັບສະໜູນນະຄອນຫຼວງ​ຮ່າ​ໂນ້ຍຕ້ອງ​ມີ​ກົນ​ໄກ​ການ​ເງິນ, ນະ​ໂຍບາຍ​ສະ​ເພາະ “