ສະພາແຫ່ງຊາດປຶກສາຫາລືກ່ຽວກັບຮ່າງກົດໝາຍ ວ່າດ້ວຍການລົງທຶນພາກ ລັດ
(ພາບປະກອບ)
(vovworld) - ຕອນບ່າຍວັນທີ 24/5, ສະພາແຫ່ງຊາດໄດ້ປະຊຸມວາລະຄົບຄະນະທີ່ຫໍປະຊຸມ ເພື່ອປຶກສາຫາລືຮ່າງກົດໝາຍວ່າດ້ວຍການລົງທຶນພາກລັດ. ຕາມການຕີລາຄາຂອງບັນດາສະມາຊິກສະພາແຫ່ງຊາດ (ສສຊ) ແລ້ວ, ຮ່າງກົດໝາຍທີ່ຍື່ນສະເໜີຕໍ່ສະພາແຫ່ງຊາດຄັ້ງນີ້ ແມ່ນເຮັດແຈ້ງໜ້າທີ່ຮັບຜິດຊອບຂອງຜູ້ມີສິດຕັດສິນແຜນນະໂຍບາຍຢ່າງລະອຽດ ເພື່ອແນໃສ່ຫຼຸດຜ່ອນການຮົ່ວໄຫຼ, ຟູມເຟືອຍໃນການລົງທຶນພາກລັດ. ສຳລັບແຜນການລົງທຶນໄລຍະກາງ, ມີບາງຄຳເຫັນສະເໜີວ່າບັນດາຂໍ້ກຳນົດແຜນການລົງທຶນໄລຍະກາງຕ້ອງຮັບປະກັນແກ້ໄຂສະພາບລົງທຶນໂດຍບໍ່ມີຈຸດສຸມ. ຈຳກັດການແບ່ງແຍກບັນດາໂຄງການລົງທຶນພາກລັດໃນປະຈຸບັນ. ກ່ຽວກັບສິດຕັດສິນແຜນນະໂຍບາຍລົງທຶນ. ສສຊ ມາຍທິແອ໋ງຕວຽດ, ຄະນະ ສສຊ ແຂວງອານຢາງສະເໜີວ່າຄວນເພີ່ມສິດອຳນາດໃຫ້ຂັ້ນຕາແສງ ແລະຂັ້ນເມືອງ.
“ໃນຮ່າງກົດໝາຍວ່າດ້ວຍການລົງທຶນພາກລັດຄວນຄິດໄລ່ຊັ່ງຊາເພື່ອອະນຸຍາດໃຫ້ຂັ້ນເມືອງ, ຂັ້ນຕາແສງໄດ້ຕັດສິນແຜນນະໂຍບາຍລົງທຶນ, ໂຄງການລົງທຶນພາກລັດທີ່ລື່ນຄວາມສາມາດສົມດູນງົບປະມານປະຈຳປີ ໃຫ້ເໝາະສົມກັບກົດໝ່າຍວ່າດ້ວຍງົບປະມານໃນປະຈຸບັນ ແລະ ຫຼີກເວັ້ນສະພາບລົງທຶນຫຼາຍເກີນໄປ, ສ້າງຄວາມຫຍຸ້ງຍາກໃຫ້ແກ່ງົບປະມານຂອງລັດ“.
ໃນວາລະປະຊຸມຕອນບ່າຍວັນດຽວກັນ, ບັນດາ ສສຊ ສ່ວນຫຼາຍໄດ້ສະເໜີສະພາແຫ່ງຊາດຮັບຮອງເອົາຮ່າງກົດໝາຍວ່າດ້ວຍການລົງທຶນພາກລັດໃນກອງປະຊຸມສະໄໝສາມັນຄ້ັງນີ້ ເພື່ອແນໃສ່ສ້າງການຫັນປ່ຽນໃໝ່ໃນການລົງທຶນພາກລັດ.