ຕາມນັ້ນແລ້ວ, ທີ່ກອງປະຊຸມສະໄໝສາມັນເທື່ອທີ 9 ແລະ ທີ 10, ປີ 2020, ສະພາແຫ່ງຊາດຈະພິຈາລະນາບັນດາບົດລາຍງານຂອງລັດຖະບານກ່ຽວກັບການຕີລາຄາເພີ່ມເຕີມໝາກຜົນການປະຕິບັດແຜນການພັດທະນາເສດຖະກິດ, ສັງຄົມ ແລະ ງົບປະມານແຫ່ງລັດ; ສະພາບການປະຕິບັດແຜນການພັດທະນາເສດຖະກິດ, ສັງຄົມ ແລະ ງົບປະມານແຫ່ງລັດ; ບົດລາຍງານຂອງຄະນະປະຈຳສະພາແຫ່ງຊາດກ່ຽວກັບໝາກຜົນການຕິດຕາມກວດກາເລື່ອງແກ້ໄຂຂໍ້ສະເໜີຂອງຜູ້ມີສິດເລືອກຕັ້ງ; ດຳເນີນການຊັກຖາມ ແລະ ຕອບຄຳຊັກຖາມຂອງສະມາຊິກສະພາແຫ່ງຊາດ. ພິເສດທີ່ກອງປະຊຸມເທື່ອທີ 9, ສະພາແຫ່ງຊາດ ຈະພິຈາລະນາບົດລາຍງານຕິດຕາມກວດກາຕາມຫົວເລື່ອງສະເພາະ “ການປະຕິບັດນະໂຍບາຍ, ກົດໝາຍກ່ຽວກັບການປ້ອງກັນ, ຕ້ານການທຳຮ້າຍເດັກ”. ທ່ານຫົວໜ້າຫ້ອງວ່າການສະພາແຫ່ງຊາດ, ຫງວຽນແຫ້ງຟຸກ, ໃຫ້ຮູ້ວ່າ.

        “ການເລືອກເຟັ້ນເນື້ອໃນຫົວເລື່ອງສະເພາະ ຕາມຂໍ້ສະເໜີຂອງຄະນະປະຈຳສະພາແຫ່ງຊາດ ແມ່ນເພື່ອແນໃສ່ຮັບປະກັນລັກສະນະລົງເລິກ, ມີປະສິດທິຜົນຂອງຫົວເລື່ອງສະເພາະ ແລະ ເໝາະສົມກັບໄລຍະເວລາ, ແຫຼ່ງກຳລັງຂອງສະພາແຫ່ງຊາດ. ພ້ອມກັນນັ້ນ, ກົດໝາຍວ່າດ້ວຍເດັກນ້ອຍ ຈຶ່ງປະກາດໃຊ້ທີ່ກອງປະຊຸມສະໄໝສາມັນເທື່ອທີ 11, ສະພາແຫ່ງຊາດຊຸດທີ 13 ແລະ ໄດ້ເລີ່ມມີຜົນສັກສິດນັບແຕ່ເດືອນ ມິຖຸນາ 2017, ສະນັ້ນ, ບັນດານະໂຍບາຍກ່ຽວຂ້ອງເຖິງການປົກປ້ອງເດັກພວມສືບຕໍ່ໄດ້ຮັບການຜັນຂະຫຍາຍປະຕິບັດ”.

ແລະກໍ່ທີ່ວາລະປະຊຸມໃນຕອນເຊົ້າ, ສະພາແຫ່ງຊາດໄດ້ປຶກສາຫາລືກ່ຽວກັບຮ່າງກົດໝາຍສະບັບປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍລັດຖະບານ ແລະ ກົດໝາຍວ່າດ້ວຍອຳນາດການປົກຄອງທ້ອງຖິ່ນ. ສະມາຊິກສະພາແຫ່ງຊາດສ່ວນຫຼາຍໄດ້ເຫັນດີກ່ຽວກັບການປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍດັ່ງກ່າວ ເພື່ອຫັນມະຕິຂອງພັກ ແລະ ຂອງສະພາແຫ່ງຊາດເປັນລະບອບລະບຽບການ.