(vovworld) – ວັນທີ 18/7, ສະມັດຊາໃຫຍ່ ສະຫະປະຊາຊາດ ໄດ້ຈັດຕັ້ງເວທີປາໄສພິເສດເນື່ອງໃນໂອກາດສະເຫຼີມສະຫຼອງວັນສາກົນ Nelson Mandela ດ້ວຍການເຂົ້າຮ່ວມຂອງທ່ານເລຂາທິການໃຫຍ່ສະຫະປະຊາຊາດ Ban Ki – moon, ເຈົ້າໜ້າທີ່ຂັ້ນສູງຂອງ ສປຊ ຫຼາຍທ່ານ ພ້ອມກັບຜູ້ຕາງໜ້າຂອງ 193 ປະເທດສະມາຊິກຂອງສປຊ. ໃນສານຝາກເຖິງບັນດາຜູ້ເຂົ້າຮ່ວມເວທີປາໄສ, ທ່ານເລຂາທິການໃຫຍ່ Ban Ki – moon ໄດ້ສະຫງວນບັນດາຄຳເວົ້າດີງາມທີ່ສຸດໃຫ້ແກ່ທ່ານອະດີດປະທານາທິບໍດີ ອາບຟຣີກາ ໃຕ້ Nelson Mandela, ຜູ້ທີ່ມີໄລຍະທາງ 67 ປີຕໍ່ສູ້ເພື່ອພາລະກິດຂອງສັນຕິພາບ, ມະນຸດສະທຳ, ຄວາມຍຸຕິທຳໃນສັງຄົມ ແລະ ໄກ່ເກ່ຍປອງດອງຊາດ. ທ່ານ Ban Ki – moon ຢືນຢັນວ່າ: ເລື່ອງສະມັດຊາໃຫຍ່ ສະຫະປະຊາຊາດ ໄດ້ຕັດສິນເລືອກເຟັ້ນວັນທີ 18/7 ແຕ່ລະປີ, ເຊິ່ງແມ່ນວັນເກີດຂອງທ່ານ Mandela, ແມ່ນວັນສາກົນ Nelson Mandela, ແມ່ນພະຍານຫຼັກຖານຢ່າງຈະແຈ້ງທີ່ສຸດກ່ຽວກັບເລື່ອງປະຊາຄົມໂລກ ຮັບຮອງບົດບາດສຳຄັນທີ່ສຸດຂອງນັກຮົບແຫ່ງແທບນິຍາຍ ຂອງຜູ້ນຳທີ່ຍິ່ງໃຫຍ່ໃນການຕໍ່ສູ້ເພື່ອພາລະກິດປົດປ່ອຍຊາດ ແລະ ເອກະພາບຂອງ ອາວີບ ອາບຟຣີກາ.