ສະຫະປະຊາຊາດປະຕິເສດ ສົນທິສັນຍາໃໝ່ກ່ຽວກັບ ລະເບີດລູກຫວ່ານ
( ພາບ : AFP)ບັນດາປະເທດສະມາຊິກ ສປຊ ຫາກໍເຫັນດີເປັນເອກະສັນນຳກັນປະຕິເສດ ສົນທິສັນຍາໃໝ່ກ່ຽວກັບລະເບີດລູກຫວ່ານໂດຍ ອາເມລິກາ ໜູນຫຼັງ ແລະ ຖືວ່າໂລກໄດ້ມີ ສົນທິສັນຍາວ່າດ້ວຍການເກືອດຫ້າມນຳໃຊ້ ລະເບີດປະເພດນີ້ແລ້ວ, ດັ່ງນັ້ນ ສົນທິສັນຍາໃໝ່ສະບັບໜຶ່ງ ພຽງແຕ່ເຮັດໃຫ້ບັນດາຂໍ້ມາດຕາຂອງສົນທິສັນຍາທີ່ໄດ້ມີຢູ່ແລ້ວ ສູນເສຍຄຸນປະໂຫຍດໄປ. ຕາມ ສປຊ, ສົນທິສັນຍາໃໝ່ ປະກອບດ້ວຍບັນດາຂໍ້ມາດຕາທີ່ມີຄວາມຂັດແຍ່ງສົມຄວນ ໃນຂະນະທີສະໜັບ ສະໜູນຕໍ່ການປະຕິເສດ ລະເບີດລູກຫວ່ານທຸກປະເພດ ຊຶ່ງໄດ້ຮັບການຜະລິດ ກ່ອນປີ 1980, ແຕ່ອະນຸຍາດໃຫ້ບັນດາປະເທດມີສິດນຳໃຊ້ລະເບີດລູກຫວ່ານທຸກປະເພດ ຊຶ່ງໄດ້ຮັບການຜະລິດພາຍຫຼັງປີ 1980 ດ້ວຍຄວາມສຳເລັດໃນການບັນລຸລະດັບອະນຸພາບທຳລາຍ ຂຶ້ນເຖິງ 99%. ສົນທິສັນຍາສະບັບນີ້ ພາຍຫຼັງ ຖືກນຳສະເໜີ, ໄດ້ຖືກຄັດຄ້ານຢ່າງຮຸ່ນແຮງຈາກຫຼາຍປະເທດໃນໂລກ ນັບທັງ ອັງກິດ ຊຶ່ງແມ່ນປະເທດພັນທະມິດຂອງອາເມລິກາ. ພັນທະພາບຕ້ານລະເບີດ ລູກຫວ່ານ CMC ໄດ້ກ່າວເຕືອນວ່າ ເມື່ອ ສົນທິສັນຍານີ້ໄດ້ຮັບຮອງເອົາ, ມັນຈະພາໄປເຖິງເລື່ອງຫຼາຍປະເທດທີ່ບໍ່ລົງນາມໃນສົນທິສັນຍາຕ້ານ ລະເບີດລູກຫວ່ານ ໃນນັ້ນມີອາເມລິກາ ຈະເພີ່ມທະວີການນຳໃຊ້ ລະເບີດລູກຫວ່ານທຸກປະເພດທີ່ມີ ອະນຸພາບທຳລາຍສູງ.