ເວທີປາໄສນັກທຸລະກິດ ຫວຽດນາມ - ສະຫະພັນລັດເຊຍ
photo: vov.vn
|
(vovworld) - ຕອນເຊົ້າວັນທີ 8/10, ຫ້ອງການ ການຄ້າ ແລະ ອຸດສາຫະກຳຫວຽດນາມ ສາຂານະຄອນໂຮ່ຈີມິນ ໄດ້ຈັດຕັ້ງເວທີປາໄສ ການຄ້າຫວຽດນາມ - ສະຫະພັນລັດເຊຍ. ທີ່ເວທີປາໄສ, ການນຳນະຄອນໂຮ່ຈີມິນ ປາດຖະໜາ ຢາກເພີ່ມທະວີບັນດາການເຄື່ອນໄຫວສົ່ງເສີມການຄ້າລົງທຶນເຂົ້າຕະຫຼາດລັດເຊຍກວ່າອີກ. ສ່ວນຝ່າຍລັດເຊຍ, ມີຫຼາຍວິສາຫະກິດຢາກລົງທຶນເຂົ້າຫວຽດນາມ ໃນບັນດາຂົງເຂດຄື: ອຸດສາຫະກຳເອເລັກໂຕນິກ, ນ້ຳມັນອາຍແກັດ, ຜະລິດເຄື່ອງຈັກຕໍ່ກ່ຳປັ່ນ, ເຕັກໂນໂລຊີຂຸດຄົ້ນບໍ່ແຮ່, ການຢາ ແລະ ອຸປະກອນການແພດ……ກ່າວຄຳເຫັນທີ່ເວທີປາໄສ, ທ່ານນາງ ຫງວຽນທິຮົງ, ຮອງປະທານຄະນະກຳມະການປະຊາຊົນນະຄອນໂຮ່ຈີມິນ ເນັ້ນໜັກວ່າ :
“ນະຄອນໂຮ່ຈີມິນຍາມໃດກໍ່ຖືລັດເຊຍແມ່ນຕະຫຼາດຈຸດສຸມ ແລະ ບົ່ມຊ້ອນ. ໃນໄລຍະຈະມາເຖິງ, ພວກຂ້າພະເຈົ້າມີແຜນການຢ່າງລະອຽດ, ເລິກເຊິ່ງ, ກວ້າງຂວາງ ເຂົ້າຕະຫຼາດລັດເຊຍ. ຂ້າພະເຈົ້າຫວັງວ່າ : ທີ່ເວທີປາໄສຄັ້ງນີ້, ພວກຂ້າພະເຈົ້າຈະຮັບຮູ້ໄດ້ຫຼາຍຂໍ້ມູນຂ່າວ ແລະ ເຊື່ອມຕໍ່, ຕິດພັນກັບຕະຫຼາດລັດເຊຍເລິກເຊິ່ງກວ້າງຂວາງກວ່າອີກ ແລະ ຂ້າພະເຈົ້າເຊື່ອໝັ້ນວ່າ : ຄຸນນະພາບສິນຄ້າຂອງຫວຽດນາມຈະເຮັດໃຫ້ລູກຄ້າລັດເຊຍເພິ່ງພໍໃຈ ”
ໃນໄລຍະຜ່ານມາ, ການຮ່ວມມືດ້ານເສດຖະກິດ - ການຄ້າ ແລະ ການລົງທຶນ ລະຫວ່າງຫວຽດນາມ ແລະ ສະຫະພັນລັດເຊຍບັນລຸໄດ້ຫຼາຍໝາກຜົນທີ່ຕັ້ງໜ້າ. ວົງເງິນແລກປ່ຽນສິນຄ້າລະຫວ່າງຫວຽດນາມ ແລະ ລັດເຊຍ ປີ 2013 ບັນລຸໄດ້ເກືອບ 2,8 ຕື້ໂດລາສະຫະລັດ. 9 ເດືອນຜ່ານມາ, ຍອດວົງເງິນການຄ້າ 2 ສົ້ນຂອງ 2 ຝ່າຍບັນລຸໄດ້ 1,8 ຕື້ໂດລາສະຫະລັດ. ສະເພາະຢູ່ນະຄອນໂຮ່ຈີມິນ, ມາຮອດປະຈຸບັນມີເຖິງ 20 ໂຄງການລົງທຶນຂອງລັດເຊຍ ດ້ວຍຈຳນວນເງິນລົງທຶນກວ່າ 44 ລ້ານໂດລາສະຫະລັດ. ລັດເຊຍແມ່ນໜຶ່ງໃນຈຳນວນ 10 ປະເທດຂົງເຂດທີ່ມີນັກທ່ອງທ່ຽວໄປຢ້ຽມຢາມນະຄອນຫຼວງຫຼາຍທີ່ສຸດ.