ທ່ານ ຫງວຽນທ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ກ່າວຄຳເຫັນທີ່ພິທີ
|
(vovworld)- ຕອນຄ່ຳວັນທີ 1/11, ຢູ່ນະຄອນຫ້າລອງ ແຂວງ ກວາງນິງ, ໄດ້ຈັດພິທີສະເຫຼີມສະຫຼອງ 20 ປີແຫ່ງວັນອ່າວຫ້າລອງໄດ້ຮັບການຮັບຮອງຈາກ UNESCO ແມ່ນມໍລະດົກທຳມະຊາດໂລກ. ກ່າວຄຳເຫັນທີ່ພິທີ, ທ່ານນາງ ວູ້ທິທູຖີ ຮອງປະທານຄະນະກຳມະການປະຊາຊົນແຂວງ ກວາງນິງ ເນັ້ນໜັກວ່າ ອ່າວຫ້າລອງ ບໍ່ພຽງແຕ່ແມ່ນມໍລະດົກເທົ່ານັ້ນ, ຫາກຍັງແມ່ນແຫຼ່ງຊັບພະຍາກອນພິເສດ ແລະ ສຳຄັນໃຫ້ແກ່ການພັດທະນາເສດຖະກິດສັງຄົມ. ທ່ານນາງ ວູ້ທິທູຖີ ຮອງປະທານຄະນະກຳມະການປະຊາຊົນແຂວງ ກວາງນິງ ໃຫ້ຮູ້ວ່າ :
“ ໃນຊຸມປີຕໍ່ໆໄປ, ແຂວງກວາງນິງຈະສືບຕໍ່ຍູ້ແຮງການຮ່ວມມືສາກົນ ແນໃສ່ຍາດແຍ່ງການຊ່ວຍເຫຼືອສະໜັບສະໜູນຂອງປະຊາຊົນ ແລະ ບັນດາອົງການຈັດຕັ້ງ ເພື່ອແນໃສ່ຮັກສາ, ເສີມຂະຫຍາຍຄຸນຄ່າມໍລະດົກ ອ່າວຫ້າລອງ; ເພີ່ມທະວີແຫຼ່ງກຳລັງລົງທຶນໃຫ້ແກ່ວຽກງານອະນຸລັກຮັກສາ, ຮັບປະກັນສິ່ງແວດລ້ອມຊີວະພາບ, ຍູ້ແຮງການເຄື່ອນໄຫວໂຄສະນາເພື່ອໃຫ້ ອ່າວຫ້າລອງກາຍເປັນຈຸດນັດພົບຂອງແຂກທ່ອງທ່ຽວ, ແມ່ນສູນທ່ອງທ່ຽວອັນດັບໜຶ່ງຂອງຫວຽດນາມ ແລະ ສາກົນ ”