ສະເຫຼີມສະຫຼອງ 40 ປີ ແຫ່ງຫວຽດນາມເຂົ້າຮ່ວມ Olympic ເລກຄະນິດສາກົນ
ບັນດາຜູ້ແທນເຂົ້າຮ່ວມພິທີສະເຫຼີມສະຫຼອງ 40 ປີ ແຫ່ງຫວຽດນາມເຂົ້າຮ່ວມ Olympic ເລກຄະນິດສາກົນ
(ພາບ: dantri.com.vn)
(vovworld) - ຕອນເຊົ້າວັນທີ 14/9, ຢູ່ຮ່າໂນ້ຍ, ກະຊວງສຶກສາ ແລະ ບຳລຸງສ້າງ ສົມທົບກັບສະມາຄົມເລກຄະນິດຫວຽດນາມ ຈັດຕັ້ງພິທີສະເຫຼີມສະຫຼອງ 40 ປີ ແຫ່ງຫວຽດນາມເຂົ້າຮ່ວມ Olympic ເລກຄະນິດສາກົນ (1974-2014).
ກ່າວຄວາມເຫັນທີ່ພິທີສະເຫຼີມສະຫຼອງ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍິນ ຢືນຢັນວ່າ, ບັນດາຜົນງານກ່ຽວກັບເລກຄະນິດຂອງຫວຽດນາມ ໄດ້ເປັນການຢັ້ງຢືນທີ່ຕັ້ງຂອງຕົນຢູ່ໃນໂລກ; ນີ້ແມ່ນພື້ນຖານເພື່ອໃຫ້ຫວຽດນາມ ພັດທະນາ ແລະ ປັບປຸງລະບົບໂຮງຮຽນລົງເລິກໃນທົ່ວປະເທດ. ຜົນງານຂອງບັນດາຄະນະນັກຮຽນເຂົ້າຮ່ວມ Olympic ເລກຄະນິດສາກົນ, ກໍ່ເປັນພື້ນຖານເພື່ອໃຫ້ຫວຽດນາມ ສ້າງບັນດາລາຍການພັດທະນາເລກຄະນິດ.
“ພວກເຮົາໄດ້ມີລະບົບໂຮງຮຽນລົງເລິກ. ພ້ອມກັບລະບົບໂຮງຮຽນລົງເລິກພວກເຮົາໄດ້ມີຮູບແບບກ່ອນ ແລະ ພາຍຫຼັງການເສັງ Olympic ເລກຄະນິດ. Olympic ເລກຄະນິດ ແມ່ນຈຸດສູງໃນການເຂົ້າຮ່ວມການສອບເສັງກັບສາກົນ, ແຕ່ກ່ອນ Olympic ເລກຄະນິດ ແມ່ນລະບົບໂຮງຮຽນລົງເລິກ ແລະ ຫຼັງ Olympic ເລກຄະນິດ, ແມ່ນລາຍການເລກຄະນິດຂັ້ນສູງ ແລະ ສະຖາບັນຄົ້ນຄ້ວາເລກຄະນິດຂັ້ນສູງ. ປະຈຸບັນວິວັດທັງສາມນີ້ຈະເຊື່ອມຕໍ່ນຳກັນ. ການກະກຽມຢ່າງມີລະບົບຈະແມ່ນເງື່ອນໄຂສຳຄັນທີ່ສຸດ ແລະ ມີລັກສະນະໝັ້ນຄົງໃຫ້ແກ່ການພັດທະນາເລກຄະນິດຂອງຫວຽດນາມ “.